नूल : न्यू इंग्लिश स्कूल टेक्निकल व ज्युनिअर कॉलेजचा मुख्यमंत्री माझी शाळा सुंदर शाळा अभियानात तालुक्यात द्वितीय क्रमांक पटकावून २ लाखांच्या पारितोषिकाचे मानकरी ठरल्याबद्दल आनंदोत्सव शोभायात्रा काढली. श्री गुरुसिद्धेश्वर शिवाचार्य महास्वामीजी यांच्या हस्ते शोभा यात्रेचे उद्घाटन झाले. यावेळी सरपंच प्रियांका यादव, उपसरपंच प्रवीण शिंदे, केंद्रप्रमुख राजेंद्र कोरवी, संस्थेचे अध्यक्ष कल्लाप्पाण्णा नडगदल्ली यांच्यासह महास्वामीजींचा शाळेच्यावतीने सत्कार करण्यात आला. यावेळी जयसिंगराव चव्हाण, जितेंद्र शिंदे, उपसरपंच शिंदे, केंद्रप्रमुख कोरवी यांनी मनोगत व्यक्त करून शाळेच्या यशाबद्दल कौतुक केले. प्राचार्य एस. आर. काळे यांनी स्वागत केले. १९९६ च्या बॅचच्यावतीने सयाजी चव्हाण, सचिन चितारी, विक्रम शिंदे यांनी शाळेला १५ हजारांची देणगी दिली. एकता कला क्रीडा तरुण मंडळ व चव्हाण गल्ली संघटनेमार्फत शिक्षकांना सन्मानित केले. संजय थोरात यांनी सूत्रसंचालन केले. ए. आर. हिरेमठ यांनी आभार मानले. कार्यक्रमास पोलीस पाटील परशुराम सरनाईक, सुनील नांगरे, अमित चव्हाण, डॉ. दिलीप मांजरेकर, राकेश शेलार, अण्णागोंडा पाटील, कुमार देसाई, आप्पाजी काळे उपस्थित होते.