आजरा, ता. ३ : आजरा तालुक्यात विविध विकास कामांचे (ता.४) उद्घाटन होत आहे. आमदार प्रकाश आबिटकर यांच्या पुढाकाराने काही कामे झाली असून सुमारे दहा कोटींच्या विकासकामांचे भूमिपूजन केले जाणार आहे. आमदार प्रकाश आबिटकर व मान्यवरांच्या हस्ते उद्घाटन व भूमिपूजन होणार आहे.
आजरा शहरात माहेर मल्टीस्पेशालिटी हॉस्पिटल येथे महात्मा ज्योतीराव फुले जन आरोग्य योजनेचा प्रारंभ सकाळी होणार आहे. आवंडी (ता.आजरा) धनगरवाड्यावर मुख्यमंत्री सडक योजना लोकार्पण, सामाजिक सभागृह, अंगणवाडी लोकार्पण वाडा क्रमांक एक, अंगणवाडी वाडा क्रमांक तीन भूमिपूजन, जलजीवन योजना वाडा क्रमांक तीन या विकासकामांचे लोकार्पण, भूमिपूजन होईल. एरंडोळ ( ता.आजरा ) येथे गांधीनगर, पोळगाव, एरंडोळ बजवडेकडे जाणारा रस्ता, अंतर्गत रस्ता (ग्रामपंचायतीपासून शाळेपर्यंत) पाटील गल्ली व माधव गल्ली रस्ता, ग्रामपंचायतवरील मजला, मागासवर्गीय वस्तीमधील पेव्हिंग ब्लाॅक बसवणे आदी कामांचे भूमिपूजन केले जाणार आहे.
