आजरा : मडिलगे (ता.) येथे लक्ष्मीदेवी यात्रा उत्साहात झाली. भाविकांनी गर्दी केली होती. लक्ष्मीदेवी रात्री खेळवली. पहाटे लक्ष्मीची प्रतिष्ठापना झाली. धार्मिक व ओटी भरण्याचा कार्यक्रम झाला. यात्रेनिमित्त तीन दिवस कबड्डी स्पर्धा झाल्या. ७० किलो वजनी गटात मावळा (सडोली खालसा), शिवमुद्रा (कौलव), हिरण्यकेशी (आजरा), केदारी रेडेकर (महागाव)या कबड्डी संघानी अनुक्रमे विजेतेपद मिळवले. वैभव रमाडे (कौलव) अष्टपैलू खेळाडू, संकेत चव्हाण (सडोली) उत्कृष्ट चढाई, प्रताप कुंभार (सडोली) उत्कृष्ट पकड यांचा गौरव झाला. मान्यवरांच्या हस्ते बक्षीस वितरण झाले.