उत्तुर ता.२३: मुमेवडी- उत्तूर (ता. आजरा) रस्त्यावर बस व मालवाहतूक टेम्पोची धडक होऊन २८ प्रवासी जखमी झाले होते . प्रवाशांना रुग्णालयात पोहोचवणे, औषधासाठी मुकुंदरावदादा आपटे फाउंडेशनने ५० हजार रुपये आर्थिक मदत केली.
एस .टी .प्रशासनाने १९ प्रवासांना प्रत्येक ५०० रुपये प्रमाणे मदत केली. बसला बामणे वसाहतीजवळ गुरुवारी झालेल्या अपघाताची दखल जिल्हा परिषद सदस्य उमेश आपटे यांनी घेत जखमींना उत्तूर व गडहिंग्लजला रुग्णालयात हरवले. यासाठी फाउंडेशनच्या दोन रुग्णवाहिका कार्यरत होत्या. गंभीर १० रुग्णांच्या औषधाचा ३७ हजार खर्चही केला. विभागीय वाहतूक अधिकारी एस. बी. जाधव व गडहिंग्लज आगारप्रमुख एस .बी .चव्हाण यांनी खासगी रुग्णालयात १९ जखमींची भेट घेत मदत केली रुग्णालया अहवालानुसार जखमींना आर्थिक मदत केली जाईल,असे चव्हाण यांनी सांगितले.