चंदगड : स्वच्छ भारत अभियान व स्वच्छ सर्वेक्षण २०२३ अंतर्गत लोकसहभागातून तरी राज्यस्तरीय व केंद्रशास्त्रीय विविध उपक्रम राबविले जात आहेत. याचाच भाग म्हणून चंदगड नगरपंचायतीतर्फे शहरातील विविध स्मारक, बगिचे येथे स्वच्छता मोहीम घेण्यात आली. स्वातंत्र्यसेनानी त्यांच्या स्मारकाची स्वच्छता लोकसहभागातून व्हावी, असे आव्हान नगरपंचायतीने केली होते. त्याला प्रतिसाद देत नेहरू युवा केंद्र व एनसीसी विभाग यांनी स्मारकाची स्वच्छता केली.
स्वातंत्र्यसेनानी यांच्या भारतीय स्वातंत्र्यलढ्यामधील कार्याची दखल घेत त्यांचे कार्य तरुण मनात रुजवण्यासाठी या श्रमदान मोहीमचे आयोजन केले होते. नगरपंचायतीकडून स्वच्छता करण्यात आली. संजय साबळे यांनी गांधीजींच्या स्वप्नातील भारत सरकार करण्याचा असेल तर स्वच्छतेची सुरुवात आपल्या घरापासून केली पाहिजे. आपला परिसर, शाळा,रस्ते, सार्वजनिक ठिकाणी,शासकीय कार्यालय यांची स्वच्छता राखणे गरजेचे आहे. मोहिमेवेळी स्वच्छतेचे ब्रँड ॲम्बेसीडर संजय साबळे,एन. वाय.के. एस. प्रतिनिधी अमेय सबनीस, ओमकार सबनीस इतर सदस्य, शहर समन्वयक राजेंद्र दळवी आदी उपस्थित होते.