आजरा,ता.२३: येथील दि आजरा अर्बन बँकेच्यावतीने रविवारी (ता.२५) आजरा परिसरातील सभासदांसाठी सभासद प्रशिक्षण कार्यक्रम होत आहे .आजरा हायस्कूल येथील अण्णाभाऊ संस्कृतिक सभागृहात सकाळी १० ते दुपारी १ या वेळेत होईल. सहकारी संस्था, कोल्हापूरचे विभागीय सहनिबंधक अरुण काकडे यांच्या हस्ते उद्घाटन होईल. ते मार्गदर्शन करतील. चार्टड अकाउंटंट धीरज देशपांडे, आजरा अर्बन बँकेचे मुख्य कार्यकारी अधिकारी प्रशांत गंभीर तंत्रज्ञ मार्गदर्शक आहेत. सहकारातून समृद्धीकडे सुरक्षित आर्थिक व्यवहार आर्थिक साक्षरता या विषयावर मार्गदर्शन केले जाणार आहे. सभासदांनी प्रशिक्षणात सहभागी व्हावे,असे आवाहन आजरा अर्बन बँकेच्या प्रशासनाच्यावतीने केले आहे.