गडहिंग्लज : येथील शिवराज महाविद्यालयाचा खेळाडू सौरभ चौगुले यांची शिवाजी विद्यापीठाच्या कबड्डी संघात निवड झाली. पश्चिम विभागीय आंतरविद्यापीठ स्पर्धेत तो विद्यापीठाचे प्रतिनिधित्व करेल. जबलपूर ( मध्यप्रदेश ) येथील राणी दुर्गावती विद्यापीठात ही स्पर्धा होईल. तसेच डॉ. बाबासाहेब आंबेडकर मराठवाडा विद्यापीठात होणाऱ्या अश्वमेध क्रीडा स्पर्धेसाठीही त्याची निवड झाली. आंतरराष्ट्रीय प्रशिक्षक डॉ. रमेश भेंडिगिरी , प्रा. राहुल मगदूम, प्रा. जयवंत पाटील , सुभाष साहिल , मिलिंद कोलते यांचे मार्गदर्शन तर शिवराजचे अध्यक्ष प्रा. किसनराव कुराडे , सचिव डॉ. अनिल कुराडे, प्राचार्य डॉ. एस. एम .कदम यांचे प्रोत्साहन लाभले .