गडहिंग्लज : माणसाने संघर्षातून उभे राहिले पाहिजे, परिस्थिती बदलण्यासाठी आपण नेहमी प्रयत्न केले पाहिजे. स्पर्धा परीक्षेत यशस्वी व्हायचे असेल त्यासाठी अभ्यासात सातत्य ठेवले पाहिजे. त्यासाठी आपले कष्टमय प्रयत्न महत्त्वाचे आहेत. स्पर्धा परीक्षा हे एकमेव माध्यम आहे ज्यातून आपण आपल्या आयुष्य घडू शकतो आणि जीवनात होऊ शकतो. आज स्पर्धा परीक्षा अत्यंत महत्त्वाचे आहे. या स्पर्धा परीक्षेतून आपली महाराष्ट्रीयन मुले पुढे आली पाहिजे. त्यासाठी कष्ट करण्याची तयारी सर्वांनी ठेवली पाहिजे असे प्रतिपादन सीमा शुल्क विभाग मुंबई चे कनिष्ठ अनुवादक अधिकारी श्री सत्यवान रेडकर यांनी केले. येथील शिवराज महाविद्यालयात स्पर्धा परीक्षा विभागाच्या वतीने आमदार सतेज उर्फ बंटी पाटील यांच्या वाढदिवसानिमित्त आयोजित स्पर्धा परीक्षेच्या एकदिवसीय कार्यशाळेत ते बोलत होते. अध्यक्षांनी शिवराज चे प्राचार्य डॉ. एस एम कदम उपस्थित होते. या कार्यक्रमास विशेष अतिथी म्हणून सेवानिवृत्त प्राचार्य डॉ.सुरेश कुराडे उपस्थित होते तर शिवराज विद्या संकुलाचे सचिव डॉ.अनिलराव कुराडे उपाध्यक्ष अॅड. दिग्विजय कुराडे, ज्येष्ठ पत्रकार सुभाष धुमे यांची प्रमुख उपस्थिती लाभली. त्यावेळी ‘नि:शुल्क शासकीय स्पर्धा परीक्षा मार्गदर्शन’ या विषयावर बोलताना श्री रेडकर म्हणाले – एम.पी.एस.सी., यू.पी.एस.सी. या परीक्षेच्या माध्यमातून विद्यार्थ्यांना करिअर घडविणे शक्य आहे. त्यासाठी खडतरपणे अभ्यास केला पाहिजे. त्याकरिता विद्यार्थ्यांनी पाचवी ते बारावी पर्यंतच्या अभ्यासक्रमाची पुस्तके वाचली पाहिजेत, नियमित वर्तमानपत्रे वाचली पाहिजेत तरच तुमचे जनरल नॉलेज व चालू घडामोडी अधिक मजबूत होऊ शकते. यासह गणित, इंग्रजी व मराठी या विषयांचे व्याकरण समजून घेणे अत्यंत महत्त्वाचे आहे. शिवाय त्याचे आकलनही होणे गरजेचे आहे. एकंदरीत आपला अभ्यासाचा पाया मजबूत झाला तरच आपण स्पर्धा परीक्षेत यशस्वी होऊ शकतो असा विश्वास त्यांनी व्यक्त केला. एम.पी.एस.सी., यू.पी.एस.सी. व अन्य क्षेत्रातील विविध स्पर्धा परीक्षा कशा घेतल्या जातात. त्या परीक्षेसाठी आवश्यक शैक्षणिक पात्रता तसेच त्या परीक्षा देण्यासाठी आवश्यक असणारी माहिती देऊन सविस्तरपणे मार्गदर्शन केले. निवृत्त प्राचार्य डॉ.सुरेश कुराडे यांनीही मार्गदर्शन केले. संस्था सचिव डॉ.अनिलराव कुराडे यांनी शिवराज च्या स्पर्धा परीक्षा विभागाच्या वतीने विद्यार्थ्यांसाठी आवश्यकते उपक्रम राबवले जाते. शिवराज चा विद्यार्थी स्पर्धा परीक्षेच्या मातीतून यशस्वी व्हावा यासाठी या उदात्त भावनेनेच असे उपक्रम राबवले राबवण्यासाठी आम्ही नेहमीच प्रयत्नशील असतो याचा विद्यार्थ्यांनी लाभ घ्यावा असे आवाहन केले. या कार्यक्रमासाठी प्राध्यापक, विद्यार्थी विद्यार्थिनी मोठ्या संख्येने उपस्थित होते.स्वागत स्पर्धा परीक्षा केंद्र समन्वयक डॉ. एन बी. ईकिले यांनी यांनी केले. पर्यवेक्षक तानाजी चौगुले यांनी प्रास्ताविक केले. डॉ. अशोक मोरमारे यांनी सूत्रसंचालन केले तर आभार डॉ. आर. पी. हेंडगे यांनी मांनले.