शिवराजचा पदव्युत्तर विभाग हा सक्षमपणे कार्यरत आहे. गडहिंग्लज, आजरा, चंदगड व सीमाभागातील अनेक विद्यार्थी दरवर्षी महाविद्यालयात प्रवेश घेतात. या प्रवेश प्रक्रियेसाठी महाविद्यालयाच्या रसायनशास्त्र विभागामार्फत केमक्विज ही स्पर्धा विविध महाविद्यालयातील बी.एस्सी.तृतीय वर्षासाठी प्रत्येक वर्षी घेतली जाते. शिवराज’ची केमक्विज स्पर्धा ही पदव्युत्तर प्रवेश प्रक्रियेसाठी मार्गदर्शक आहे. असे प्रतिपादन शिवराज विद्या संकुलाचे सचिव डॉ.अनिलराव कुराडे यांनी केले. शिवराज महाविद्यालयाच्या वतीने आयोजित ‘आंतर महाविद्यालयीन केमक्विज स्पर्धा २०२५’ या स्पर्धेच्या बक्षीस वितरण समारंभात प्रमुख अतिथी म्हणून ते बोलत होते. अध्यक्षस्थानी प्राचार्य डॉ.एस.एम.कदम होते. प्रारंभी स्वागत व प्रास्ताविक रसायनशास्त्र विभाग प्रमुख डॉ.ए.एम.हसुरे यांनी केले.
प्राचार्य डॉ.एस.एम.कदम यांनी आपल्या मार्गदर्शनामध्ये शिवराज महाविद्यालयात पदव्युत्तर विभागाच्यावतीने इतर अभ्यासक्रमासाठी कार्यशाळेचे आयोजन करण्यात येणार आहे. या कार्यशाळेचा लाभ विद्यार्थ्यांनी घ्यावा तसेच पदव्युत्तर विभागाच्या प्रवेश प्रक्रियेची ३० एप्रिल पर्यंत अंतिम मुदत ठेवण्यात आली आहे. यासाठी आवश्यक ते सहकार्यव मार्गदर्शन करण्यात येईल इच्छुकांनी महाविद्यालयाच्या पदव्युत्तर विभागाशी प्रत्यक्ष संपर्क साधण्याचे आवाहन त्यांनी केले. यावेळी आय.आय.टी. प्रवेश परीक्षा उत्तीर्ण झाल्याबद्दल रिया सहदेव पाटील, रिचा सहदेव पाटील या विद्यार्थिनींचा विशेष सत्कार सचिव डॉ.अनिलराव कुराडे यांच्या हस्ते करण्यात आला.
या स्पर्धेत प्रथम क्रमांक- रिया सहदेव पाटील, व्दितीय- रिचा सहदेव पाटील, तृतीय अरुणा शेलार या विजेत्यांना मान्यवरांच्या हस्ते प्रशस्तीपत्र देऊन गौरविण्यात आले. या स्पर्धेसाठी, प्रा.विश्वजित कुराडे, प्रा.विक्रम शिंदे, प्रा.निळकंठ भोसले, डॉ.प्रवीण डोंगरे, प्रा.साहिल समडोळे, डॉ.नीलम दिघे, प्रा. श्रुतिका इंजल यांच्यासह गडहिंग्लज, आजरा, चंदगड व सीमाभागातील विविध महाविद्यालयातील प्राध्यापक, स्पर्धक विद्यार्थी उपस्थित होते. डॉ अल्ताफहुसेन नाईकवाडे यांनी सूत्रसंचालन केले. डॉ संदीप पाटील यांनी सर्वांचे आभार मानले.