शिवराज महाविद्यालयामध्ये गडहिंग्लज नगरपरिषद व गडहिंग्लजकला अकादमी यांच्या संयुक्त विद्यमाने आयोजित ‘अभिवाचन एक कला’ या विषयावर एकदिक्सीय कार्यशाळा संपन्न झाली. या कार्यशाळेच्या अध्यक्षस्थानी प्राचार्य डॉ. एस. एम. कदम होते. तर शिवराज विद्या संकुलाचे सचिव डॉ. अनिलराव कुराडे, उपाध्यक्ष अॅड. दिग्विजय कुराडे यांची प्रमुख उपस्थिती लाभली.
या कार्यशाळेचे उदघाटन कुंडीतील रोपाला मान्यवरांच्या हस्ते पाणी घालून करण्यात आला. स्वागत व प्रास्ताविक डॉ. श्रद्धा पाटील यांनी केले. गडहिंग्लज कला अकादमीचे प्रमुख प्रा. शिवाजीराव पाटील यांनी या प्रयोगाचा हेतू स्पष्ट करून कलाकारांचा परिचय करून दिला. या कार्यशाळेमध्ये शिवराज विद्या संकुलाचे सचिव डॉ. अनिलराव कुराडे यांनी शिवराज महाविद्यालयाची नाट्य परंपरा डॉ. गोकाककर व खिचडी सर यांनी सुरू केली. ही परंपरा पुढे चालवण्यासाठी गडहिंग्लज कला अकादमीशी सामंजस्य करार करून या शहराला असलेली ही सांस्कृतिक परंपरा पुढे चालू ठेवण्यासाठी तसेच खंडित राहिलेली नाट्य चळवळ पुढे चालू ठेवण्यासाठी आपण प्रयत्न करूया असे त्यांनी स्पष्ट केले. उपाध्यक्ष अॅड.दिग्विजय कुराडे यांनी अभिवाचन हा कला प्रकार खूपच चांगला आहे. या कलेतून विद्यार्थी प्रेक्षकांशी संवाद साधनाची एक संधी मिळते. ही संधी या कलेतून एक वेगळा आनंद देतो असे स्पष्ट करून या कार्यक्रमाचे कौतुक केले. लेखक व दिग्दर्शक प्रमोद पुजारी यांनी अभिवाचनातून मिळणारा आनंद हा खूपच विलक्षण असतो. जीवनात वेगळं काही असतं आणि माणसं बदलत राहतात या प्रयोगात कधी-कधी भावनांमुळे पडदा टाकावा लागतो. अभिवाचन सादर करताना आम्हाला खूपच आनंद होतो. यातून रसिकांची मिळणारी दाद खरोखरच आम्हाला नवी प्रेरणा देते असे व्यक्त केले. या कल्पनाविलास या अभिवाचन प्रयोगातून अभिनेत्री विजयालक्ष्मी कुंभार, अभिनेते साहिल बावस्कर यांनी खूपच चांगले भूमिका निभावली. संपूर्ण प्रयोगाला अनुपम दाभाडे यांनी खूपच चांगले पार्श्वसंगीत दिले आहे.
यावेळी प्राचार्य डॉ. एस. एम. कदम यांनी विद्यार्थ्यांना मार्गदर्शन केले. या कार्यक्रमास कार्यशाळा समन्वयक ग्रंथपाल श्री संदीप कुराडे, पर्यवेक्षक प्रा तानाजी चौगुले, कला अकादमीचे प्रा.शिवाजीराव पाटील, सामाजिक कार्यकर्त्या रेखा पोतदार, प्रा. पौर्णिमा पाटील यांच्यासह प्राध्यापक विद्यार्थी विद्यार्थिनी उपस्थित होते. डॉ. बी. एम. जाधव यांनी कार्यक्रमाचे सूत्रसंचालन केले.
यावेळी रंगप्रसंग निर्मित ‘कल्पना विलास’ या अभिवाचन प्रयोगातून- कल्पनेतील विलासी जीवनामध्ये आकंठ बुडालेले जीवनात व्यक्त न होता आभासीपणे जगत असतो. प्रेमात हरविलेल्या प्रियकराला जेंव्हा खरे कळते तेंव्हा डोक्यातील हवा निघून जाते आणि मेंदूचा नव्वद टक्के भाग रिकामा होतो. कधी रोमँटिक, कधी हास्याची लकेर फुलवित आयुष्य छान आणि मजेत सजविण्यासाठी मनापासून व्यक्त न होणाऱ्या प्रियकराला अस्वस्थ वाटू लागते आणि जगण्याच्या प्रयोगात कधी कधी स्वतःला आवर घालावे लागते हे अभिवाचन कलेतून प्रत्यक्ष साकार करून कलाकारांनी दाद मिळविली.