गडहिंग्लज : येथील शिवराज कॉलेज ऑफ फार्मसीमध्ये जागतिक महिला दिन उत्सहात साजरा करण्यात आला. महिलांची आर्थिक साक्षरता या विषयावरती डॉ. महेश चौगुले यांचे व्याखान महिला सबलीकरण समितीतर्फे आयोजित करण्यात आले होते, कार्यक्रमाची सुरवात लक्ष्मी पूजनाने व दिपप्रज्वलाने झाली. चौगुले सरांचे स्वागत प्रा. अमर पाटील यांनी केले. याप्रसंगी बोलताना सर म्हणाले कि, कुटुंबाच्या गरजा व उपलब्ध उत्पन्नाचे स्तोत्र याचा आर्थिक ताळमेळ बसवून आर्थिक नियोजन योग्यरित्या करण्यासाठी स्त्रियांनी आर्थिक साक्षर होणे गरजेचे आहे. गृहिणीनी आपल्या कौटुंबिक गरजा भागवण्यासाठी कुटुंबातील इतरांवर अवलंबून न राहता स्वयंपूर्ण होण्याचा प्रयत्न केला पाहिजे. महिलांनी आर्थिकदृष्टया सक्षम झाले पाहिजे. तरच खऱ्या अर्थाने महिला सक्षम होतील.
कार्यक्रमाचे सूत्रसंचालन प्रा. किरण जाधव व प्रास्ताविक महिला छळ प्रतिबंधक समिती प्रमुख प्रा. मनीषा जाधव यांनी केले.. या कार्यक्रमास शिक्षक, शिक्षकेतर कर्मचारी आणी विध्यार्थीनी उपस्थित होते. आभार प्रा. किरण जाधव यांनी मानले.