गडहिंग्लज :येथील शिवराज कॉलेज ऑफ फार्मसीला इपका औषधनिर्माण कंपनीच्या वतीने शिवराज कॉलेज ऑफ फार्मसीला पन्नास लाखाचे ॲनॅलिटीकल इन्स्टमेंट मदत देण्यात आली. या इन्स्टमेंटचा उपयोग फार्मसी क्षेत्रात संशोधन करणाऱ्या शिवराज कॉलेज ऑफ फार्मसीचे विद्यार्थी व अन्य फार्मसीच्या संशोधक विद्यार्थ्यांना मिळणार आहे अशी माहिती शिवराज विद्या संकुलाचे सचिव डॉ. अनिलराव कुराडे यांनी दिली.
या भागातील सेवाभावीवृत्तीने शिक्षण क्षेत्रात कार्य करणाऱ्या आमच्या कर्मवीर विठ्ठल रामजी शिंदे शिक्षण संस्थेला इपका औषधनिर्माण कंपनीने भरीव अशी दिलेली मदत आहे असे प्रतिपादन उपाध्यक्ष अॅड. दिग्विजय कुराडे यांनी केले. आमच्या संस्थेला शैक्षणिक व संशोधन कार्यासाठी इपका औषधनिर्माण कंपनीने दिलेल्या या बहुमोल मदतीबद्दल शिवराज विद्या संकुलाचे अध्यक्ष प्रा. किसनराव कुराडे यांनी विशेष आभार मानले.
शिवराज विद्या संकुलाचे सामजिक क्षेत्रातील योगदान व फार्मसी कॉलेजचे संशोधन क्षेत्रातील धडपड पाहून इपका कंपनीने सदरची भेट दिली आहे. आहे. प्रा. शिवराज सडेकर यांनी केलेल्या विशेष प्रयत्नातून मदत प्राप्त झाली आहे. इपका कंपनीत वापरत असलेली अद्यावत एच.पी.एल.सी. व इतर इन्स्टमेंट भेट स्वरुपात दिली आहे. ही मदत इपका औषधनिर्माण कंपनीचे एच. आर. मॅनेजर श्री नरेंद्र करपे यांच्या हस्ते प्राचार्य डॉ. राहुल जाधव यांच्याकडे सुपूर्द करण्यात आली. यावेळी प्रा. शिवराज सडेकर, श्री सागर सनदी उपस्थित होते.