गडहिंग्लज :येथील शिवराज महाविद्यालयात अग्रणी महाविद्यालय योजनेअंतर्गत ‘स्पोर्ट्स न्युट्रीशन आणि डोपिंग’ या विषयावर एकदिवसीय कार्यशाळा संपन्न झाली. अध्यक्षस्थानी प्राचार्य डॉ. एस.एम.कदम होते. या कार्यशाळेचे उदघाटन शिवराज विद्या संकुलाचे सचिव डॉ.अनिलराव कुराडे यांनी केले. यावेळी उपाध्यक्ष अॅड. दिग्विजय कुराडे, संचालिका प्रा. सौ. बिनादेवी कुराडे यांची प्रमुख उपस्थिती लाभली. प्रारंभी स्वागत व प्रास्ताविक डॉ.एन.बी.एकीले यांनी केले. पाहुण्यांचा परिचय डॉ.राहुल मगदूम यांनी करून दिला. या कार्यक्रमात प्रमुख अतिथी डॉ.रविंद्र चव्हाण यांनी आपल्या मार्गदर्शनामध्ये खेळ आणि उत्तेजक द्रव्य याचे एक नाते तयार झाले आहे. हे नाते खेळाडूंच्या भविष्याच्या दृष्टीने चांगले नाही. आज खेळाडू आपल्या खेळातील शक्ती टिकून राहण्यासाठी उत्तेजक द्रव्य घेण्याची फॅशन तयार झाली आहे. खेळाडू नैसर्गिक शक्तीला मागे सारून कृत्रिम शक्तीला अंगीकारत आहेत. ही फार मोठी चूक आजचे खेळाडू करत आहेत. उत्तेजक द्रव्य घेऊन आपले भविष्य उध्वस्त करत आहेत. आपल्याला एक चांगला खेळाडू व्हायचे असेल तर सर्वांनी नैसर्गिकरित्या आपल्यातील खेळ मजबूत केला पाहिजे असे त्यांनी सागितले. दुसऱ्या सत्रात प्रा.तंझीला काझी यांनी खेळाडूंचा पोषक आहार या विषयावर मार्गदर्शन करताना खेळात जर नांव कमवायचे असेल तर खेळाडूंनी आपल्या आहाराचे योग्य असे नियोजन करणे गरजेचे आहे. योग्य प्रमाणात प्रोटीन, कार्बोहायड्रेड, जीवनसत्वे मिळणे गरजेचे आहे. हे सर्वं घटक कोण-कोणत्या फळे, भाज्या आणि धान्यांमधून मिळतात या विषयी त्यांनी सविस्तर मार्गदर्शन केले. या कार्यक्रमात संस्थेचे सचिव डॉ. अनिलराव कुराडे व उपाध्यक्ष अॅड. दिग्विजय कुराडे यांनी देखील विद्यार्थ्यांना मार्गदर्शन केले.
या कार्यक्रमास डॉ.धनंजय पाटील, डॉ.रंगराव हेंडगे, डॉ.गणपत गायकवाड, डॉ.दीपक खेडकर, डॉ.ए.जी.हारदारे, प्रा.विकास अतिग्रे, डॉ.एन.एम.मासाळ, प्रा.सुरेश धुरे, प्रा.कांचन बेल्लद यांच्यासह गडहिंग्लज, आजरा आणि चंदगड विभागातील विविध महाविद्यालयातील विद्यार्थी-विद्यार्थिनी उपस्थित होते. कार्यक्रमाचे सूत्रसंचालन डॉ.अशोक मोरमारे यांनी केले तर प्रा.किशोर आदाटे यांनी आभार मानले.