गडहिंग्लज :येथील शिवराज कॉलेज ऑफ फार्मसीमध्ये 'जागतिक फार्मासिस्ट दिन' साजरा करण्यात आला. त्या निमित्ताने 'राज्यस्तरीय ई-पोस्टर व मॉडेल प्रेझेंटेशन'चे आयोजन करण्यात आला. प्रारंभी प्राचार्य डॉ. राहुल जाधव यांनी स्वागत करून प्रास्ताविकामध्ये प्रत्येक व्यक्तीला जन्माची चाहूल लागल्यापासून शेवटच्या श्वासापर्यंत औषधाची गरज लागते. अन्न, वस्त्र आणि निवारा बरोबरच औषध सुद्धा आजच्या घडीला मुलभूत गरज बनली आहे. ते तयार करण्याचे काम फार्मासिस्ट करीत असतो. त्यांच्या या कार्याचा गौरव करण्यासाठी जागतिक फार्मासिस्ट दिन म्हणून साजरा करण्यात येत असल्याचे सांगितले. या कार्यक्रमाचे उदघाटन शिवराज विद्या संकुलाचे उपाध्यक्ष अॅड. दिग्विजय कुराडे यांच्या हस्ते करण्यात आला. शिवराज विद्या संकुलाच्या सदस्या प्रा. सौ. बिनादेवी कुराडे यांची प्रमुख उपस्थिती लाभली. या उपक्रमाचे शिवराज विद्या संकुलाचे अध्यक्ष प्रा. किसनराव कुराडे व सचिव डॉ. अनिलराव कुराडे यांनी कौतुक केले. या कार्यक्रमांतर्गत आयोजित करण्यात आलेल्या स्पर्धेत राज्यभरातील ८० हून अधिक विविध फार्मसी महाविद्यालयाने यामध्ये सहभाग नोंदवून ई-पोस्टर व मॉडेल प्रेझेंटेशन सादर केले. सदरचा अभ्यासत्तेर उपक्रम प्राचार्य डॉ. राहुल जाधव यांच्या मार्गदर्शनाखाली सांस्कृतिक विभाग प्रमुख प्रा. अनघा पाटील, प्रा. सुमन अडीसारे यांच्या पुढाकाराने व शिक्षक व शिक्षकेत्तर कर्मचारी यांच्या सहकार्याने उत्तमरित्या पार पडला.