शिवराज महाविद्यालयात राष्ट्रीय सेवा योजना दिनानिमित्त व्याख्यान संपन्न

KolhapurLive

गडहिंग्लज : येथील शिवराज महाविद्यालयात राष्ट्रीय सेवा योजना दिनानिमित्त डॉ.अशोक मोरमारे यांचे ‘राष्ट्रीय सेवा योजना आणि आजचा युवक’ या विषयावर व्याख्यान संपन्न झाले. अध्यक्षस्थानी प्राचार्य डॉ.एस.एम.कदम होते. प्रारंभी स्वागत व प्रास्ताविक राष्ट्रीय सेवा योजनेचे कार्यक्रम अधिकारी डॉ.जी.जी.गायकवाड यांनी केले. डॉ.अशोक मोरमारे यांनी ‘राष्ट्रीय सेवा योजना आणि आजचा युवक’ या विषयावर मार्गदर्शन करताना- आजच्या युवकांना राष्ट्रीय सेवा योजना स्थापनेमागचा उद्देश समजावून सांगितला. शिवाय त्यांनी राष्ट्रीय सेवा योजनेचे ब्रीद ‘नॉट मी, बट यु’ याचा अर्थ व त्यामागील निस्वार्थ सेवाभाव याची जाणीव विद्यार्थ्यांना करून दिली.

यावेळी या दिनाचे औचित्य साधून सकाळी सर्व स्वयंसेवकांनी महाविद्यालय परिसरात स्वच्छता मोहीम राबवली. या कार्यक्रमप्रसंगी संस्थेचे सचिव डॉ.अनिलराव कुराडे, डॉ.डी.पी.खेडकर, डॉ.मनमोहन राजे, डॉ.ए.जी.हारदारे, प्रा.अजित केसरकर यांच्यासह विद्यार्थी-विद्यार्थिनी उपस्थित होते. या कार्यक्रमात सूत्रसंचालन प्रा.डी.यु.जाधव यांनी केले तर आभार डॉ.एस.डी.सावंत यांनी मानले.