गडहिंग्लज : पदव्युत्तर शिक्षण हेच ध्येय निश्चितीसाठी महत्वाचे आहे. विद्यार्थ्यांनी अंत:करणापासून शिक्षण घेतले पाहिजे. पदव्युत्तर शिक्षणाबरोबरच नेट, सेट व स्पर्धा परीक्षेचा अभ्यास करणे गरजेचे आहे. सद्या शिक्षणात कौशल्य ज्ञानाला फार महत्व आले आहे. कौशल्याशिवाय आपण प्रगती करू शकत नाही त्यामुळे सद्याच्या क्षणात कौशल्यज्ञान असणारा विद्यार्थीच आपले करिअर समृद्ध करू शकतो. असे प्रतिपादन जागतिक कृषी अर्थतज्ञ, महाराष्ट्र शासनाच्या काजू बोर्डाचे संचालक डॉ. परशराम पाटील यांनी केले.
येथील शिवराज मध्ये पदव्युत्तर विभागाच्या वतीने आयोजित कार्यक्रमात ते प्रमुख अतिथी म्हणून बोलत होते. या कार्यक्रमाच्या अध्यक्षस्थानी प्राचार्य डॉ.एस.एम.कदम होते. तर शिवराज विद्या संकुलाचे सचिव डॉ.अनिलराव कुराडे व प्रा.विश्वजीत कुराडे यांची उपस्थिती लाभली. प्रारंभी पदव्युत्तर विभाग प्रमुख डॉ.महेश चौगुले यांनी स्वागत व प्रास्ताविकातून कार्यक्रमाचा हेतू स्पष्ट केला व डॉ.महेश चौगुले यांनी पाहुण्यांचा परिचय करून दिला. या कार्यक्रमात शिवराज विद्या संकुलाचे सचिव डॉ.अनिलराव कुराडे यांनी शिवराजच्या ज्ञान संकुलात शिक्षण घेणाऱ्या प्रत्येक विद्यार्थ्यांनी कौशल्यज्ञान घेऊन समृद्ध झाले पाहिजे. यासाठी आम्ही सर्वतोपरी प्रयत्न करीत आहोत. त्याचा लाभ विद्यार्थ्यांनी घेणे काळाची गरज असल्याचे सांगितले. यावेळी विद्यापीठाच्या गुणवत्ता यादीत चमकलेले विद्यार्थी प्रथमेश कोले, मयुरी पाटील, निकिता माने, सोनाली मटकर यांचा मान्यवरांच्या हस्ते सत्कार करण्यात आला.
यावेळी संचालक श्री बसवराज आजरी, प्राचार्य डॉ.एस.एम.कदम, नॅक समन्वयक प्रा.किशोर आदाटे, डॉ.मनमोहन राजे, प्रा.दत्तू जाधव, डॉ.दिपक खेडकर यांनी विद्यार्थ्यांना मार्गदर्शन केले. या कार्यक्रमात विद्यार्थी बनश्री कोरी, प्रथमेश कोले यांनी आपले मनोगत व्यक्त केले. या कार्यक्रमास प्राध्यापक, विद्यार्थी-विद्यार्थिनी उपस्थित होते.कार्यक्रमाचे सूत्रसंचालन डॉ.अशोक मोरमारे, डॉ.श्रद्धा पाटील यांनी केले तर आभार डॉ.रंगराव हेंडगे यांनी मानले.कार्यक्रम यशस्वी करण्यासाठी पदव्युत्तर विभागाचे श्री डी.बी. देसाई व श्री अभिजित भाटले यांनी परिश्रम घेतले.