गडहिंग्लज :येथील शिवराज बी.बी.ए. व बी.सी.एस. विभागाच्या वतीने आयोजित कार्यर्क्रमात विद्यार्थ्यांना उद्योजकता व रोजगार मोठ्या प्रमाणात उपलब्ध करण्याबरोबरच राष्ट्र उभारणीबाबत जनजागृती करण्यासाठी या उद्देशाने तसेच स्थानिक आदर्श उद्योजक निर्माण व्हावेत यासाठी जागतिक उद्योजकता दिवस करण्यात आला. या कार्यक्रमाच्या अध्यक्षस्थानी प्राचार्य डॉ.एस.एम.कदम होते तर प्रमुख अतिथी म्हणून उद्योजक प्रकाशराव जाधव व शिवराज विद्या संकुलाचे उपाध्यक्ष अॅड. दिग्विजय कुराडे यांची प्रमुख उपस्थिती लाभली. प्रारंभी स्वागत व प्रास्ताविक बी.बी.ए.विभाग प्रमुख प्रा.आर.डी.कमते यांनी केले. या कार्यक्रमात प्रमुख अतिथी उद्योजक प्रकाशराव जाधव यांनी आपल्या मार्गदर्शनामध्ये आपण पोल्ट्री उद्योगामध्ये कसे घडलो त्यातून आपलेल्या आलेल्या अडचणींवर आपण कसे मात करू शकतो. आजच्या घडीला शेतीपूरक व्यवसाय म्हणून पोल्ट्री उद्योग किती गरजेचा आहे. याबाबत सविस्तर मार्गदर्शन केले. शिवाय त्यांनी उद्योजक होण्यासाठी आजच्या तरुणांना खूप संधी आहेत. त्यासाठी शासनाच्यावतीने कोणकोणत्या योजना राबविल्या जात आहेत याची माहिती त्यांनी दिली अशा योजनांचा लाभ घेऊन तरुणांनी उद्योजक क्षेत्रात आपले करिअर घडविणे आवश्यक असल्याचे त्यांनी सांगितले. यावेळी शिवराज विद्या संकुलाचे उपाध्यक्ष अॅड. दिग्विजय कुराडे, प्राचार्य डॉ.एस.एम.कदम यांनीही विद्यार्थ्यांना मार्गदर्शन केले.
यावेळी कार्यक्रमास बी.सी.ए. विभाग प्रमुख प्रा.के.एस.देसाई. प्रा.आझाद पटेल व सर्व प्राध्यापक, विद्यार्थी-विद्यार्थिनी उपस्थित होते. या कार्यक्रमाचे सूत्रसंचालन प्रा.रोमा फर्नांडीस यांनी केले तर प्रा.बी.एस.पठाण यांनी आभार मानले.