गडहिंग्लज. : येथील शिवराज विद्या संकुलाच्यावतीने बदलापूर व कलकत्ता येथे झालेल्या घटनेचा निषेध करण्यात आला. प्रारंभी प्रा.सौ.एस.एम.देसाई यांनी बदलापूर येथे घडलेली घटना अत्यंत दुर्दैवी आहे. या घटनेचा निषेध करण्यात येत असल्याचे प्रास्ताविकातून सांगितले. यावेळी शिवराज विद्या संकुलाचे उपाध्यक्ष अॅड. दिग्विजय कुराडे यांनी तरुणांचे चारित्र्य सक्षम होणे आवश्यक आहे. महिला व मुलींनी अन्यायाविरुद्ध वाचा फोडण्यासाठी धाडसाने पुढे येणे गरजेचे आहे असे स्पष्ट करून त्यांनी बदलापूर व कलकत्ता येथील घटनेचा तीव्र शब्दात निषेध केला. विना- अनुदानित ज्युनिअर सायन्स विंगचे प्रमुख प्रा.संदीप कुराडे यांनीही बदलापूरच्या घटनेचा निषेध केला. यावेळी सर्व शिक्षक व विद्यार्थी-विद्यार्थिनीनी या घटनेचा निषेध केला.