गडहिंग्लज : गडहिंग्लजचे ग्रामदैवत व महाराष्ट्र, कर्नाटक, गोवा राज्यातील लाखो भाविकांचे श्रद्धास्थान असलेल्या श्री. काळभैरव देवाची यात्रा दिनांक 25 व 26 फेब्रुवारी या कालावधीत पार पडत आहे. या यात्रेसाठी भाविकांच्या गर्दीचा उच्चांक होत असतो. दरवर्षी यात्रेपूर्वी नियोजन बैठक घेऊन वाहतूक, सुरक्षा व्यवस्था याचे नियोजन केले जाते. मात्र यंदा गडहिंग्लज शहरात संकेश्वर-बांदा महामार्गाचे काम सुरू आहे. रस्त्याची खुदाई करण्यात आल्याने वाहतुकीची मोठी समस्या निर्माण झाली आहे. ठेकेदार कंपनी या रस्त्याचे काम युद्धपातळीवर करत आहे. रात्रंदिवस परप्रांतीय कामगार राबत आहेत. यामध्ये काही शंकाच नाही. मात्र महामार्गाचे काम शहरात सुरू होण्यापूर्वी पालिका प्रशासन, शासकीय यंत्रणांनी पर्यायी मार्गाचा शोध घेणे गरजेचे होते. या नियोजनाकडे कानाडोळा झाल्याचे दिसून आले, निर्माण झालेली वाहन कोंडी सोडवण्यासाठी पोलीस यंत्रणेने देखील गांभीयनि घेतलेले दिसले नाही. शहरातून येणाऱ्या रुग्णवाहिकांना देखील याचा मोठा फटका बसल्याचे दिसून आले. वाहतुकीच्या या समस्येवर उद्धव बाळासाहेब ठाकरे पक्ष शिवसेनेच्या पदाधिकाऱ्यांनी रस्त्यावर उतरून संबंधित अधिकान्यांना धारेवर धरल्यानंतर प्रशासनाला जाग आली. त्यानंतर या वाहन कोंडीवर पर्याय म्हणून संकेश्वर मार्गावरील वाहतूक एकेरी करण्यात आली. संकेश्वरकडून गडहिंग्लजकडे येणारी वाहने बाजार समिती कमानीच्या आतून पुढे मेटाचा मार्ग, शेंद्री रोडवरील बिरदेव मंदिर, काळभैरी वेस, हनुमान मंदिर, एम आर हायस्कूल, भगवा चौक या मार्गे चर्चरोड वरून गडहिंग्लज बसस्थानक, आजरा, चंदगडकडे तर गडहिंग्लजकडून संकेश्वरकडे जाणारी वाहतूक पूर्ववतच ठेवण्यात आली आहे.
सध्या गडहिंग्लज शहरातील रिंग रोड अस्तित्वात नाही. त्यामुळे उपलब्ध पर्याय मार्ग देखील अरुंद असल्याने या मार्गावर वाहतुकीचा मोठा ताण पडला आहे. त्यामुळे शहरातील महामार्गाचे काम पूर्ण होईपर्यंत नागरिकांना मोठे हाल सोसावे लागणार आहेत. ग्रामदैवत श्री काळभैरव यात्रेमुळे गडहिंग्लजकड़े येणाऱ्या जाणाऱ्या वाहनांची संख्या वाढणार आहे. यात्रेच्या अनुषंगाने प्रशासनाने बैठक आयोजित करून नियोजना संदर्भात आढावा घेतला आहे.मात्र पोलीस व पालिका प्रशासनाकडून मार्गावरून शहराबाहेर पडताना नाकीनऊ होत आहेत, यात्रेदरम्यान तर जादा बसेसना या वाहतूक कोंडीचा मोठा सामना करावा लागणार आहे. त्यामुळे वाहतुकीची ही समस्या जटिल बनणार आहे. शहरा बाहेरून येणाऱ्या वाहनधारकांना शहरातील वाहतुकीची माहिती नसल्याने ते भरकटू शकतात. त्यामुळे वाहतूक आणखी विस्कळीत बनण्याची शक्यता आहे. त्यामुळे येत्या दोन-तीन दिवसात प्रशासनाने वाहतुकीचे योग्य पद्धतीने नियोजन करून यात्रा सुरळीतपणे पार पाडण्याची गरज आहे. यात्रेसाठी येणाऱ्या भाविकांचा प्रवास त्रासमुक्त होण्यासाठी शासकीय यंत्रणांनी प्रयत्न करावा ही विनंती. योग्य पद्धतीने वाहतुकीचे नियोजन न झाल्यास उद्धव बाळासाहेब ठाकरे पक्ष शिवसेना आंदोलन करेल, याची सर्वस्वी जबाबदारी प्रशासनावर राहील.