संविधानिक पद नसताना कागल विधानसभा मतदारसंघात विकासकामासाठी मोठ्या प्रमाणात निधी खेचून आणला
राजे समरजितसिंह घाटगे
एक कोटी रुपयांच्या विकासकामांचा शुभारंभ
गडहिंग्लज ,प्रतिनिधी.
कोणतीही संविधानिक पद नसताना कागल गडहिंग्लज आजरा विधानसभा मतदारसंघात विविध विकास कामासाठी मोठ्या प्रमाणात निधी खेचून आणला असे प्रतिपादन शाहू ग्रुपचे अध्यक्ष व भाजपचे नेते राजे समरजितसिंह घाटगे यांनी केले.
लिंगनूर कसबा नुल (ता.गडहिंग्लज )येथे घाटगे यांच्या प्रयत्नातून मंजूर झालेल्या एक कोटी रुपयांच्या विविध विकासकामांच्या शुभारंभवेळी ते बोलत होते.
अध्यक्षस्थानी आजी-माजी सैनिक संघटनेचे अध्यक्ष रावसाहेब पाटील होते.
घाटगे पुढे म्हणाले, कागल विधानसभा मतदारसंघातील जलजीवन योजनेतील बारा गावातील योजनांसाठी वाढीव निधी मंजूर करून आणला.त्यामध्ये लिंगनूर कसबा नुल या गावाचाही समावेश आहे. या गावामध्ये एकूण अडीच कोटी रुपयांचा निधी विविध विकास कामांसाठी उपलब्ध करून दिला आहे. या निधीचा विनियोग कार्यकर्ते चांगल्या प्रकारे करीत आहेत.
जिल्हा उपाध्यक्ष विठ्ठल पाटील म्हणाले, समरजितसिंह घाटगे यांच्या रूपाने स्वच्छ, पारदर्शक व निष्कलंक नेतृत्व आम्हाला मिळाले आहे. त्यांनी युवकांच्या हाताला रोजगार देण्याचे व्रत जोपासले आहे. तर महिलांचा मान सन्मान ही वाढवण्यासाठी ते विविध उपक्रम राबवित आहेत.
उपसरपंच संतोष पाटील म्हणाले, विद्यमान लोकप्रतिनिधींना गावातील रस्त्यांबाबत निवेदन देऊनही निधी दिला नाही.मात्र समरजितसिंह घाटगे यांनी रस्त्यांसाठी पन्नास लाख व प्रादेशिक पर्यटन योजनेतून ग्रामदैवत बसवेश्वर मंदिर परिसर सुशोभिकरणसाठी पन्नास लाख असा एक कोटी रुपयांचा निधी दिला.
यावेळी अमोल तांबेकर यांनीही मनोगत व्यक्त केले.
यावेळी सरपंच उज्वला कुरळे, शंकर कुरळे, अभिनंदन पाटील, संजय कांबळे, निलांबरी भुईम्बर, आशा देवर्डे, राजशेखर पाटील, प्रतिभा पाटील, मनीषा ढेंगे, संदीप पाटील, अक्षय कुडचे, राजू डोंगरे, सुभाष पाटील, भोलू पाटील, सदानंद घुगरे,राहुल कुरळे, सुभाष वाघे आदी उपस्थित होते.
स्वागत अनिकेत पाटील यांनी केले.रावसाहेब पाटील यांनी आभार मानले.
छायाचित्र- गडहिंग्लज येथे एक कोटी रुपयांच्या विकासकामांच्या शुभारंभवेळी शाहू ग्रुपचे अध्यक्ष समरजितसिंह घाटगे ,शेजारी व अन्य मान्यवर
....ही तर रामराज्याची सुरुवात
केंद्र व राज्य शासनाच्या विविध योजनांचा लाभ समाजातील तळागाळातील नागरिकांपर्यंत पोहोचवण्यासाठी राजे समरजितसिंह घाटगे यांच्या नेतृत्वाखाली राजे फाउंडेशन मार्फत मोफत नोंदणी सुरू असते. गडहिंग्लज व लिंगनूर कसबा नुलमधील विश्वकर्मा योजनेतील महिला लाभार्थ्यांची नोंदणी गडहिंग्लज कार्यालयात रात्री नऊ वाजल्यापासून सुरू होती. ती रात्री अडीच वाजेपर्यंत थांबून पूर्ण करण्यात आली. या प्रक्रियेत राजेसाहेब सातत्याने संपर्कात राहून विचारपूस करत होते. मतदार संघातील महिलांची जातीनिशी काळजी घेणारा राजा नेता म्हणून लाभला याचा आम्हाला अभिमान असून ही तर रामराज्याची सुरुवात आहे. असे मत अॕड.परमेश्वरी पाटील यांनी व्यक्त केले.