गडहिंग्लज : येथील शिवराज महाविद्यालयात समाजशास्र विभागाच्यावतीने 'छत्रपती शिवाजी महाराज जयंती साजरी करण्यात आली. या कार्यक्रमाच्या अध्यक्षस्थानी प्राचार्य डॉ . एस.एम कदम तर शिवराज विद्या संकुलाचे उपाध्यक्ष अॅड. दिग्विजय कुराडे, संचालक श्री बसवराज आजरी यांची प्रमुख उपस्थिती लाभली. डॉ. रंगराव हेडगे यांनी स्वागत व प्रास्ताविक केले. प्रारंभी छत्रपती शिवाजी महाराज यांच्चा प्रतिमेचे पूजन शिवराज विद्या संकुलाचे उपाध्यक्ष अॅड. दिग्विजय कुराडे यांच्या हस्ते करण्यात आले. यावेळी प्रा. गौरव पाटील यांनी आपल्या भाषणामध्ये छत्रपती शिवाजी महाराज यांनी राजमाता जिजाऊ यांच्या इच्छेप्रमाणे जनतेचे राज्य निर्माण केले. असे हे रयतेचे राजे छत्रपती शिवाजी महाराज यानी हिंदवी स्वराज्याचे स्वप्न सत्यात आणले असे प्रतिपादन केले. शिवाजी महाराज यांनी जुलमी पातशाहीविरुद्ध आवाज उठविला आणि आपल्या कार्यातून रयतेला एकप्रकारचा विश्वास दिला, छत्रपती शिवाजी महाराज यांनी केलेले कार्य आजही अजरामर आहे, त्याकाळी बांधण्यात आलेले गड-किल्ले राजाच्या स्थापत्यकलेची साक्ष देत आहेत. अशा या थोर राजे छत्रपती शिवाजी महाराज यांच्या कार्याचे सर्वांनी स्मरण करून त्यातून प्रेरणा घ्यावी असे प्रा. गौरव पाटील यांनी सांगितले. यावेळी प्राचार्य डॉ. एस. एम. कदम यांनी आपल्या मार्गदर्शनामध्ये शिवाजी महाराज यांच्या कार्याची थोरवी आजही सर्वदूर पसरली आहे. त्यांचा विचार आणि कार्याचा आदर्श सर्वांनी घेणे आवश्यक असल्याचे स्पष्ट केल यावेळी नॅक समन्वयक प्रा. किशोर अदाटे, केमिस्ट्री विभाग प्रमुख डॉ.ए.एम. हसुरे, डॉ. महश चौगुले, पर्यवेक्षक प्रा. तानाजी चौगुले, श्री सौरभ पाटील, यांच्यासह प्राध्यापक, प्रशासकीय सेवक, विद्यार्थी उपस्थित होते.