गडहिंग्लज : भारतीय शिक्षण पद्धतीचे शिल्पकार डॉ.जे.पी. नाईक यांनी पन्नासवर्षापूर्वी महाविद्यालयीन पातळीवरील औपचारिक शिक्षणाच्या मर्यादा ओलांडून सार्वजनिक श्रमसंस्कार तरुण मांमध्ये रुजविण्यासाठी राष्ट्रीय श्रमसंस्कार योजना आंमलात आणली औपचारिक शिक्षणाबरोबरच अनोपचारिक पद्धतीने तरुण पिढीला शिक्षण व प्रशिक्षण मिळावे हा त्यांचा उद्देश होता. त्यानंतर महाविद्यालय व उच्च शिक्षण घेणाऱ्यांची संख्या अनेक पटीने वाढली व सतत वाढत आहे. परंतु या राष्ट्रीय सेवा योजनेत समाविष्ट करण्याच्या विद्यार्थ्यांची संख्या मात्र अगदीच मर्यादित आहे. त्यामुळे आज प्रत्येक महाविद्यालयात उच्च शिक्षण घेत असलेल्या पाच टक्के विद्यार्थ्यांना सुद्धा या योजनेत सहभागी करून घेतले हात नाही. हा ९५ टक्के विद्यार्थी-विद्यार्थीनीवर अन्यायच आहे. म्हणून विद्यापीठाने व शिक्षण खात्याने वाढत्या संख्येनुसार जास्तीत-जास्त विद्यार्थ्यांना समाविष्ठ करून घेण्यासाठी या राष्ट्रीय सेवा योजनेतील विद्यार्थी यांची संख्या वाढवावी असे उदगार ज्येष्ठ साहित्यिक प्रा. किसनराव कुराडे यांनी व्यक्त केले,
माद्याळ ता. कागल येथे शिवराज महाविद्यालयावतीने सुरु असलेल्या दहा दिवसांच्या विशेष श्रमसंस्कार शिबिराच्या शुभारंभप्रसंगी ते बोलत होते. अध्यक्षस्थानी माद्याळचे धडाडीचे सरपंच श्री सूर्याजी घोरपडे होते. माजी जिल्हा परिषदेचे सदस्य श्री मारुतीराव चोथे, सेवानिवृत्त शिक्षक श्री गुरव, कामगार नेते श्री तेलवेकर प्राचार्य डॉ.एस.एम.कदम, श्री इलियास बारदेस्कर, प्रा. पौर्णिमा कुराडे, डॉ. श्रद्धा पाटील, एन.एस.एस. चे कार्यक्रम अधिकारी डॉ. दीपक खेडकर, डॉ. जी. जी. गायकवाड यांच्यासह ग्रामस्थ, शिबिरार्थी विद्यार्थी-विद्यार्थिनी उपस्थित होते.