गडहिंग्लज: रेड रिबन क्लब मधील शिवराज महाविद्यालय मायक्रोबायोलॉजी विभाग, आणि उपजिल्हा रुग्णालय, गडहिंग्लज यांच्या संयुक्त विद्यमाने आयोजित एड्स दिनानिमित्त पोस्टर प्रेझेंटेशन व जनजागृतीपर मार्गदर्शन कार्यक्रम संपन्न झाला. अध्यक्षस्थानी शिवराज विद्या संकुलाचे उपाध्यक्ष अॅड. दिग्विजय कुराडे होते. प्रारंभी प्रा.सुप्रिया मिसाळ यांनी स्वागत व प्रास्ताविक केले. या पोस्टर प्रेझेंटेशनचे उद्घाटन उपजिल्हा रुग्णालयाचे चीफ मेडिकल ऑफिसर डॉ.पी.पी.पाटील यांच्या हस्ते करण्यात आले. यावेळी गडहिंग्लज येथील उपजिल्हा रुग्णालयाचे चीफ मेडिकल ऑफिसर डॉ.पी.पी.पाटील यांनी आज समाजात एड्सबाबत वेळोवेळी जनजागृती होत आहे. त्यामुळे एच.आय.व्ही, बाधित रुग्ण कमी होत आहेत. शिवाय मृत्यू दर देखील कमी होत असल्याचे त्यांनी स्पष्ट केले. २०३० पर्यंत देशातील एच. आय. व्ही, चे उच्चाटन व्हावे यासाठी भारत सरकारने ठोस असा उपक्रम आरोग्य विभागामार्फत राबवित आहे. यासाठी संपूर्ण देशभर आय.सी.टी.सी. आरोग्य विभाग कार्यरत आहेत. त्यामुळे आरोग्य सेवेचा लाभ पेणे शक्य झाले आहे. शासनाच्या माध्यमातून आरोग्य विभागाच्या आय.सी.टी. सी. सेंटर मार्फत करण्यात येणाऱ्या या उपाययोजनेची माहिती समाजापर्यंत पोहोचणे आवश्यक असल्याचे त्यांनी सांगीतले. यावेळी श्री पाटील यांनी एच.आय.व्ही.ची लक्षणे व कारणे सांगून विद्यार्थ्यांनी विचारलेल्या प्रश्नांबाबत सविस्तर मार्गदर्शन केले. यावेळी शिवराज कॉलेज ऑफ फार्मसीचे प्राचार्य डॉ. राहुल जाधव, प्राचार्य डॉ. एस. एम. कदम यांनीही विद्यार्थ्यांना मार्गदर्शन केले. विद्यार्थ्यांनी सादर केलेल्या पोस्टर प्रेझेंटेशनचे परीक्षण उपजिल्हा रुग्णालयाच्या आय.सी.टी.सी. सेंटरचे डॉ. पद्यना गावडे, डॉ. भगवान कुंभार यांनी केले. यावेळी पोस्टर प्रेझेंटेशनमधील विजेते प्रथम- तेजस्विनी कांबळे, हर्षदा कुडाळे, व्दितीय-प्राजक्ता बामणे, निकिता दुंडगे, श्रुष्टी मिठारी, सुश्मिता गदादार तृतीय श्रावणी कुम्भन, ऋत्विजा कोळी, साक्षी मोहिते, साक्षी खोत, उत्तेजनार्थ- सानिया सय्यद, शहाना रामपुरे यांना रोख रक्कम व प्रशस्तीपत्र देऊन मान्यवरांच्या हस्ते गौरविण्यात आले.
यावेळी शिवराज विद्या संकुलाचे सचिव डॉ. अनिलराव कुराडे, नॅक विभागाचे समन्वयक प्रा. किशोर अदाटे, प्रा.सौ. बिनादेवी कुराडे यांच्यासह अन्य मान्यवर, मायक्रोबायोलॉजी व फार्मसीचे सर्व प्राध्यापक, विद्यार्थी-विद्यार्थिनी उपस्थित होते. आभार प्रा. मृणालिनी अस्वले यांनी मानले.