गडहिंग्लज : येथील शिवराज महाविद्यालयात अविष्कार संशोधन स्पर्धेला उत्स्फूर्त प्रतिसाद लाभला. या स्पर्धे उदघाटन शिवराज विद्या संकुलाचे उपाध्यक्ष अँड. दिग्विजय कुराडे यांच्या हस्ते करण्यात आले. अध्यक्षस्थानी शिवराज विद्या संकुलाचे सचिव डॉ. अनिलराव कुराडे तर अॅकॅडमीक डायरेक्टर डॉ. आर. एस. निळणकर यांची प्रमुख उपस्थिती लाभली. प्रारंभी स्वागत प्रा. गौरव पाटील यांनी केले. प्रास्ताविकात अविष्कार संशोधन स्पर्धेचे नोडल अधिकारी प्रा. सुशांत पांगम यांनी या स्पर्धेचा मुख्य हेतू सांगून या स्पर्धा विद्यार्थ्यांना आपल्यातील अविष्कार उपक्रमातून सादर करण्याची संधी उपलब्ध करून देत असल्याचे सांगितले. या स्पर्धेतील विजेत्यांना उपाध्यक्ष अँड दिग्विजय कुराडे, प्रा.सौ. बिनादेवी कुराडे यांच्या हस्ते प्रशस्तीपत्र देऊन गौरविण्यात आले.
बक्षीस वितरण कार्यक्रमात प्रा. सौ. बिनादेवी कुराडे यांनी आपल्या मार्गदर्शनामध्ये अभ्यासाबरोबरच इतर उपक्रमामध्ये विद्यार्थ्यांनी सहभाग घेणे गरजेचे आहे. या उपक्रमातून विद्यार्थ्यांना मौलिक असे ज्ञान मिळते त्यातून आपल्या करिअरला दिशा देण्यासाठी उपयोग होतो. विद्यार्थ्यांनी अशा उपक्रमांच्या माध्यमातून स्वतःला सिद्ध करणे गरजेचे आहे. असे प्रतिपादन केले. रसायनशास्त्र विभाग प्रमुख डॉ. ए.एम. हसुरे यांनी अविष्कार संशोधन स्पर्धा या विद्यार्थ्यांच्यामध्ये संशोधन वृत्ती जागृत व्हावी यासाठी या स्पर्धेचे आयोजन करण्यात येते. विद्यार्थ्यांनी केलेले संशोधन हे समाजासाठी उपयुक्त असावेत असे संशोधन सर्वांना अभिप्रेत असल्याचे त्यांनी सांगितले. या स्पर्धेचे परीक्षक म्हणून रसायनशास्त्र विभाग प्रमुख डॉ. ए. एम. हसुरे, डॉ. अशोक मोरमारे यांनी काम पहिले. सहा विभागात या स्पर्धा संपन्न झाला. ३६ विद्यार्थ्यांनी सहभाग घेतला. या स्पर्धा यशस्वीपणे पार पाडण्यासही प्रा. तेजस्विनी शिंदे, डॉ. विद्या देशमुख, डॉ. प्रवीण डोंगरे, प्रा. सुप्रिया मिसाळ यांच्यासह अन्य प्राध्यापकांनी विशेष सहकार्य केले. यावेळी प्राध्यापक व विद्यार्थी-विद्यार्थिनी उपस्थित होते. आभार प्रा. रेवती राजाराम यांनी मानले.