गडहिंग्लज : येथील डॉ. घाळी कॉलेजमध्ये रिसर्च व डेव्हलपमेंट सेलमार्फत संस्थात्मक अविष्कार संशोधन महोत्सव उत्साहात झाला. उपप्राचार्य डॉ. नागेश मासाळ व प्रा. अनिल मगर यांच्या हस्ते स्पर्धेचे उद्घाटन झाले. डॉ. किरण पाटील यांनी स्वागत केले. प्रभारी प्राचार्य डॉक्टर शिवानंद मस्ती यांनी मार्गदर्शन केले.विद्यार्थ्यांनी संशोधन प्रकल्पातून सेंद्रिय शेती, ग्रीन केमिस्ट्री, ई - कॉमर्स,पर्यावरणपूरक संशोधन, आधुनिक शेती, स्वच्छ ऊर्जानिर्मिती आदी संकल्पना मानल्या होत्या. १३५ विद्यार्थ्यांनी संशोधन प्रकल्पाची मांडणी केली.यावेळी प्राध्यापक व विद्यार्थी उपस्थित होते.डॉ. निलेश शेळके यांनी आभार मानले.