गडहिंग्लज : येथील शिवराज महाविद्यालयात फूड सायन्स व मायक्रोबायोलॉजी विभागामार्फत जागतिक अन्न दिनानिमित्त आयोजित करण्यात आलेल्या विविध प्रकारच्या पौष्टिक पदार्थाच्या प्रदर्शनाला उत्स्फूर्त प्रतिसाद लाभला.' प्रदर्शनाचे उदघाटन वाळवा जि. सांगली येथील क्रांतिवीर डॉ. नागनाथअण्णा नायकवडी हुतात्मा किसन अहिर सहकारी साखर कारखाना कारखान्याचे चेअरमन श्री वैभव नायकवडी यांच्या हस्ते करण्यात आले. अध्यक्षस्थानी शिवराज विद्या संकुलाचे अध्यक्ष प्रा. किसनराव कुराडे होते. प्रारंभी स्वागत व प्रास्ताविक पदव्युत्तर विभाग प्रमुख डॉ. सुधीर मुंज यांनी केले.
यावेळी प्रमुख अतिथी वैभव नायकवडी यांनी आपल्या मार्गदर्शनामध्ये आजच्या धक्का- धक्कीच्या जीवनात अन्नविज्ञानशास्त्राची अत्यंत महत्वाची गरज आहे. शिवराज महाविद्यालयाने अन्नविज्ञानशास्त्राचा अभ्यासक्रम ग्रामीण भागातील विद्यार्थ्यांना सुरु करून या विभागातील विद्यार्थ्यांना एक वेगळीच पर्वणी उपलब्ध करून दिली आहे. विद्यार्थ्यांनी या अभ्यासक्रमाचा लाभ घेऊन आपले करिअर घडवावे असे प्रतिपादन केले. शिवराज विद्या संकुलाचे अध्यक्ष प्रा. किसनराव कुराडे यांनी या उपक्रमातून महाविद्यालयाच्या विद्यार्थी-विद्यार्थिनी पौष्टिक पदार्थ तयार करून स्वतःला सिद्ध करीत आहेत. असे हे उपक्रम विद्यार्थ्यांना घडविण्याची संधी देत असतात. विद्यार्थ्यांनी मिळालेली संधी करिअर घडविण्यासाठी उपयोगात आणावी असे स्पष्ट केले. संस्थेचे सचिव डॉ. अनिल कुराडे यांनीही विद्याथ्यांना मार्गदर्शन केले. यावेळी महाविद्यालयाच्या परिसरात फूड सायन्सच्या व मायक्रोबायोलोजीच्या विद्यार्थ्यांनी स्टॉलवर मांडलेल्या विविध प्रकारच्या पौष्टिक पदार्थाचा आस्वाद सर्वांनी घेतला. यावेळी पौष्टिक पदार्थांच्या स्पर्धा घेण्यात आल्या.
याप्रसंगी रसायनशास्त्र विभाग प्रमुख डॉ. ए. एम. हसुरे, प्रा. विक्रम शिंदे यांच्यासह अन्य मान्यवर प्राध्यापक व विद्यार्थी उपस्थित होते. या स्पर्धेत परीक्षक म्हणून प्रा. बिनादेवी कुराडे, प्रा. पौर्णिमा कुराडे, डॉ. श्रद्धा पाटील, सौ.सविता निकम यांनी केले. या कार्यक्रमाचे आयोजनासाठी प्रा.तंझीला काजी, प्रा. सुप्रिया व्हटकर, प्रा.राजश्री दळवी, प्रा. निकिता नाईक, प्रा.आकांक्षा कडूकर, प्रा.स्वाती शिंदे, प्रा. मृणालिनी अस्वले, डॉ. विद्या देशमुख, प्रा. तेजस्विनी शिंदे यांनी परिश्रम घेतले.