गडहिंग्लज : येथील शिवराज महाविद्यालयात राष्ट्रीय क्रीडा दिन संपन्न झाला. राष्ट्रीय क्रीडा दिनानिमित आयोजित या कार्यक्रमाच्या अध्यक्षस्थानी प्राचार्य डॉ. एस. एम. कदम होते. तर प्रमुख पाहुणे म्हणून राष्ट्रीय पदक विजेते खेळाडू विवेक मोरे, रोहिणी पाटील यांची उपस्थिती लाभली. प्रारंभी स्वागत प्रास्ताविक एन.सी.सी. कॅडेट कु. आकांक्षा पाटोळे यांनी केले. प्रारंभी हॉकीचे जादूगार मेजर ध्यानचंद यांच्या प्रतिमेचे पूजन प्रमुख पाहुणे महाविद्यालयाचे राष्ट्रीय पदक विजेते खेळाडू विवेक मोरे यांच्या हस्ते करण्यात आले. यावेळी क्रीडा समाहानिमित्त घेण्यात आलेल्या क्रीडा स्पर्धेतील विजेत्यांना मान्यवरांच्या हस्ते बक्षिसे देऊन गौरविण्यात आले. प्राचार्य डॉ. एस. एम. कदम यांनी खेळाडूंना फिट इंडियाची प्रतिज्ञा देऊन प्रोत्साहनात्मक मार्गदर्शन केले. एन.सी.सी. कॅडेट कुरिटी डवरी यांनी मेजर ध्यानचंद यांचा जीवनपट सांगितला. या कार्यक्रमास प्राध्यापक, प्रशासकीय सेवक, खेळाडू व एन.सी.सी. कॅडेट उपस्थित होते. या कार्यक्रमाचे सूत्रसंचालन प्रा. जयवंत पाटील यांनी केले तर आभार क्रीडा विभाग प्रमुख डॉ. राहुल मगदूम यांनी मानले.