यावेळी शिवराज विद्या संकुलातील सेविका, एन.सी.सी. विद्यार्थिनी युनिट, प्राध्यापिका यांच्यावतीने रक्षाबंधन कार्यक्रम संपन्न झाला. सत्कारमूर्ती प्रा. किसनराव कुराडे यांनी आपल्या अभीष्टचिंतन कार्यक्रमात मार्गदर्शन करताना आपण समाजासाठी आपल्या परीने जे-जे योगदान देत आहोत याचे सार्थक झाल्याचे समाधान आपणास वाटत असल्याचे सांगून समाज हेच माझे कुटुंब आहे. या समाजासाठी जे जे करता येईल त्यासाठी आपला प्रयत्न सुरु राहणारच आहे. शिवराज विद्या संकुलाचे कार्यक्षेत्र हे विद्यार्थ्यांसाठी जगभरातील नोकरीच्या संधी उपलब्ध करून देण्यासाठी प्रयत्नशील राहणार असल्याचे सांगितले. शिवराज हे बहुउद्देशीय विद्यापीठ व्हावे यासाठी सर्वतोपरी प्रयत्न करणार असल्याचे त्यांनी स्पष्ट केले.
यावेळी सचिव डॉ.अनिलराव कुराडे, श्रीदेवी कबाडे, रेखा पोतदार, राजगोंड पाटील, राजू कुलकर्णी, ऐनापुरचे माजी सरपंच बाळासो देसाई, शिवराज इंग्लिश मेडियमच्या मुख्याध्यापिका गौरी शिंदे, आदींनी आपल्या मनोगतातून प्रा. कुराडे सरांना वाढदिवसाच्या हार्दिक शुभेच्छा दिल्या, प्राचार्य डॉ. एस. एम. कदम यांनी आपल्या अध्यक्षीय भाषणातून कुराडे सरांचे वाढदिवसानिमित्त अभीष्टचिंतन केले.
संस्थेचे उपाध्यक्ष अॅड. दिग्विजय कुराडे, श्री पेडणेकर सर, श्री नंदनवाडे गुरुजी, जिल्हा परिषद सदस्य श्री हेमंत कोलेकर, सतीश ईटी, राजशेखर येरटे, महेश तुरबतमठ, बाबुराव बसाण, प्रा.सौ. बिनादेवी कुराडे, फार्मसीचे प्राचार्य डॉ. राहुल जाधव, विना-अनुदानित विभाग प्रमुख डॉ. आर. एस. निळपणकर, तानाजी कुराडे, शिवराज इंग्लिश मेडीयमचे प्रशासन प्रमुख श्री ए. बी. पाटील, मुख्याध्यापक संजय भांगरे यांच्यासह संस्थेचे पदाधिकारी, विद्या संकुलातील सर्व प्राध्यापक, शिक्षक, प्रशासकीय सेवक, विद्यार्थी-विद्यार्थिनी उपस्थित होते.