चंदगड ते मुंबई, चंदगड ते पुणे, चंदगड ते निगडी लागतें. या सर्व मार्गावरील खासगी प्रवासी बसेस मुंबईहून परतताना चंदगड शहरात येत नसल्यामुळे प्रवाशांची गैरसोय होत आहे. या खासगी वाहनधारकांनी चंदगड शहरात प्रवाशांना आणून सोडण्यात हयगय केल्यास या गाड्यांविरोधात आंदोलनाचा इशारा सुरेश सातवणेकर, सचिन बल्लाळ, शंकर मनवाडकर यांनी दिला आहे.
चंदगड ते मुंबई मार्गावरील प्रवासी वाहतुकीत चंदगड डेपो थंडावल्याने खासगी प्रवासी वाहतुकीला अधिक बाळसे आले आहे. चंदगड तालुक्यातून रोज किमान चाळीसपेक्षा अधिक खासगी बसेस मुंबई-पुण्याकडे रवाना होतात. जाताना या गाड्या चंदगडातून प्रवासी घेऊन जातात. येतानाही मुंबई- चंदगड असेच प्रवासी भाडे वसूल केले जाते. परंतु या गाड्या नागनवाडी पेट्रोल पंप व चंदगड फाटा येथेच थांबवतात. चंदगड शहरात जात नाही अशावेळी प्रवासांना खाजगी वाहने व रिक्षा करून चंद्रात यावे लागते. एक तर एसटी बस पेक्षा या खाजगी गाड्यांचे प्रवास भाडे अधिक आहे. शिवाय मे महिना गणेश चतुर्थी आधी दिवसात मानमानी प्रवास भाडे त्यांच्याकडून वसूल केले जाते. प्रवासी कोणतीही कुरकुर न करता अन्य पर्याय नसल्यामुळे ट्रॅव्हल्स वाले सांगतील ते भाडे देतात परंतु मुंबई पुण्याहून येताना चंदगड शहरात पोहोचण्याचे प्रवास भाडे घेऊन ही प्रवासांना चंदगडला पोहोचवत नाहीत. त्यामुळे सोबत चे सामान घेऊन पुढील प्रवास करणे प्रवासांना खर्चीक आणि त्रासदायक ठरत आहे. खाजगी प्रवासी वाहतूक करणाऱ्यांची चालकांना योग्य त्या सूचना देऊन चंदगड शहरात बसेस पाठवाव्यात असे न केल्यास आंदोलन करण्याचा इशारा दिला आहे.
