गडहिंग्लज : येथे बुधवारी सायंकाळी ५.३० वाजता शिवपादुकांचे आगमन होणार असून मोठ्या जल्लोषात गडहिंग्लजकर स्वागत करणार आहेत. याठिकाणी चौथी विश्रांती घेऊन ६.३० वाजता नेसरी येथे सरसेनापती प्रतापराव गुर्जर यांच्या स्मारक स्थळाला भेट देणार असल्याचे सांगण्यात आले. गडहिंग्लजकरांनी या उपक्रमात सहभागी व्हावे, असे आवाहन स्वागत समितीचे प्रमुख सुधीर उर्फ आप्पा शिवणे यांनी केले आहे...
संपूर्ण महाराष्ट्रात भागवत परंपरेची मोठी परंपरा असून यामध्ये वारी परंपरेला अनन्यसाधारण महत्त्व आहे. विठ्ठला पोटीचा श्रद्धाभावाने महाराष्ट्रातील शिवभक्तांनी शक्ती पंढरी दुर्गदुर्गेश्वर रायगड ते भूवैकुंठ पंढरपूर असा पालखी सोहळा दरवर्षी सुरू केला आहे. सोहळ्याचे समन्वयक व विश्वस्त आचार्य डॉ. संदिपराज महिंद यांच्या विशेष प्रयत्नातून २८ वर्षापासून ही परंपरा सुरू आहे. गेल्या ९ वर्षापासून स्वतंत्र पालखी सोहळा निघत असून ४ जिल्ह्यातून जाणारी पालखी वारी मार्गातील तब्बल ६० हून अधिक शाळेमध्ये जगद्गुरु तुकाराम महाराज महाराष्ट्रातील संतपरंपरा व छत्रपती शिवाजी महाराज छत्रपती संभाजी महाराज यांचे जीवन आदर्श रुजवले जात आहे.
दरम्यान गुरुपौर्णिमेनंतर पंढरीतून पालखी सोहळ्याचा परतीचा प्रवास होत असून हिंदवी स्वराज्याच्या सातव्या सेनापतीच्या पराक्रम भूमीला भेट देऊन पालखी सोहळा रायगड कडे प्रस्थापित होतो. शिवपादुका आगमनावेळी उपस्थित राहण्याचे आवाहन केले आहे.
