आजरा : मुख्यमंत्री एकनाथ शिंदे यांच्या शिवसेनेचे जिल्ह्यातील एकमेव आमदार प्रकाश आबिटकर आहेत. जिल्ह्यात संघटना बळकट करण्यासाठी आमदार आबिटकर यांना मंत्रिपद देण्याची मागणी शिवसैनिकांनी केली आहे. शिंदे गटाचे जिल्हाप्रमुख राजेखान जमादार यांच्या अध्यक्षतेखाली आजरा येथे बैठक पार पडली. यावेळी पक्षाच्या ध्येय धोरणांबाबत चर्चा करण्यात आली. संघटना बळकट झाली, गाव तेथे शाखा सुरू करण्याच्या सूचना जिल्हा प्रमुख जमादार यांनी केल्या. गावागावात कार्यकर्त्यांना येणाऱ्या अडचणी व विकास निधीबाबत चर्चा करण्यात आली. कोल्हापूर जिल्ह्यातील शिवसेनेचे एकमेव आमदार आबिटकर यांना मंत्रिपद देण्याची मागणी करण्यात आली. यासंदर्भात शिष्टमंडळाने मुख्यमंत्री शिंदे यांची भेट घेण्याचा निर्णय झाला. जिल्ह्याचे पालकमंत्रीपद केसरकर यांच्याकडे कायम ठेवण्याची मागणी करण्यात आली.
यावेळी कागल तालुकाप्रमुख सुधीर पाटोळे, गडहिंग्लज तालुकाप्रमुख संजय सकपाळ, आजरातालुका प्रमुख संजय पाटील, चंदगडतालुका प्रमुख कलाप्पा निकुगीरी, राधानगरी तालुकाप्रमुख विजय बफुगडे, भुदरगड तालुकाप्रमुख संग्राम सावंत आदी उपस्थित होते.
