गडहिंग्लज : संभाजीराव माने ज्युनिअर कॉलेजचा अर्णव मच्छिंद्र बुवा या विद्यार्थ्याने छांदयान सेंटर फोर इंडियन क्लासिकल म्युझिक यांच्यावतीने आयोजित आंतरराष्ट्रीय शास्त्रीय संगीत स्पर्धेत व आंतरनाद कला अकादमी आयोजित 'स्वरांजन २०२३' या राष्ट्रीय शास्त्रीय संगीत स्पर्धेत प्रथम क्रमांक पटकाविला. या दोन्ही स्पर्धा ऑनलाईन घेण्यात आल्या. या स्पर्धेसाठी रोख दहा हजार, स्मृतिचिन्ह व प्रशस्तीपत्र देण्यात आले आहे. या दैदिप्यमान यशाबद्दल शिवराज विद्या संकुलाचे अध्यक्ष प्रा. किसनराव कुराडे यांच्या हस्ते अर्णवचा सत्कार करण्यात आले. यावेळी प्राचार्य डॉ. एस.एम. कदम, पदव्युत्तर विभाग प्रमुख डॉ. सुधीर मुंज, ग्रंथपाल श्री संदीप कुराडे, पर्यवेक्षक प्रा.तानाजी चौगुले, प्रा. संतोष पाटील व प्राध्यापक उपस्थित होते. प्राचार्य मच्छिंद्र बुवा यांचे मोलाचे मार्गदर्शन लाभले.
