गडहिंग्लज : मेघा धारवाडकर हिने के .एल .ई विद्यापीठा बेळगावच्या एम.एस.सी नर्सिंग कोर्समध्ये सर्वउत्कृष्ट गुण मिळवून सुवर्णपदक विजेती ठरली. तिला कर्नाटकचे राज्यपाल थावरचंद गेहलोत यांच्या हस्ते सुवर्णपदक देऊन गौरवले. याप्रसंगी के. एल .इ.चे अध्यक्ष प्रभाकर कोरे व इतर मान्यवर उपस्थित होते. मेघाने बेस्ट रिर्सचर आणि बेस्ट आऊट गोईंग स्टुडंट होण्याचा मान मिळवला आहे. मेघा धारवाडकर ही साधना हायस्कूल व ज्यु. कॉलेजची विद्यार्थिनी होती. ती उत्कृष्ट डॉजबॉल खेळाडू असून तिची पंजाबमधील स्पर्धेसाठी कप्तानपदी निवड झाली होती. मेघाच्या विशेष यशाबद्दल साधना हायस्कूलमार्फत तिचा व तिच्या वडिलांचा सत्कार साधना संस्थेचे सचिव जे. बी. बारदेस्कर, प्राचार्य आर. एन. पटेल व पर्यवेक्षक अरविंद बारदेस्कर यांचे हस्ते सत्कार करण्यात आला. यावेळी तिचे वडील शिवाजी धारवाडकर, आई निता धारवाडकर यांच्यासह शिक्षक उपस्थित होते.