गडहिंग्लज, ता. ३ : भडगाव (ता. गडहिंग्लज) येथील डॉ. ए. डी. शिंदे अभियांत्रिकी महाविद्यालयात राष्ट्रीय पातळीवरील 'टेक मंथन २ के २३ चे आयोजन केले आहे.
१३ एप्रिलला होणाऱ्या या टेकमंचनमध्ये महाराष्ट्रासह कर्नाटक व गोव्यातील विविध महाविद्यालयाचे एक हजार विद्यार्थी सहभागी होणार आहेत. या अंतर्गत विविध स्पर्धा घेतल्या जाणार आहेत. त्यातील विजेत्यांना एकूण ७५ हजार रुपयांची बक्षीसे आहेत. सिव्हिल इंजिनिअरिंग विभागातर्फे ड्रीम ड्राफ्टींग, इलेक्ट्रिकल विभागाने सर्किट मेकिंग, मेकॅनिकल इंजिनिअरिंग विभागाने रोबो रेसिंग, कॉम्प्युटर सायन्स व इलेक्ट्रॉनिक्स ॲण्ड कॉम्प्युटर इंजिनिअरिंग विभागाने कोड वॉर या स्पर्धा आयोजित केल्या आहेत. तसेच सर्किट व नॉन सर्किट या दोन गटात पेपर प्रेझेंटेशनही होणार आहे. प्रोजेक्ट स्पर्धा व विज्ञान प्रदर्शनही होईल. प्रत्येक सहभागी विद्यार्थ्याला प्रमाणपत्र दिले जाणार आहे. विद्यार्थ्यांनी सहभागी व्हावे, असे आवाहन केले आहे.
