गडहिंग्लज : बेळगुंदी (ता. गडहिंग्लज) येथील उपसरपंचपदी लक्ष्मी पाटील- हिरेमठ यांची निवड झाली. सरपंच तानाजी रानगे यांच्या अध्यक्षतेखाली विशेष सभा झाली. यात बिनविरोध निवड झाली. बेळगुंदी ग्रामपंचायतीची दीड वर्षांपूर्वी निवडणूक झाली आहे. यात राष्ट्रवादी काँग्रेसने एकहाती सत्ता मिळवली. यावेळी दीपिका पाडले यांना उपसरपंचपदावर संधी दिली होती. त्यांनी राजीनामा दिल्यामुळे उपसरपंचपद रिक्त होते. पदावर लक्ष्मी पाटील यांची निवड झाली आहे. निवडीनंतर नूतन उपसरपंच सौ. पाटील यांचा सरपंच तानाजी रानगे यांच्याहस्ते सत्कार झाला. श्री. रानगे, सदस्य मिलिंद मगदूम, अण्णासाहेब कानडे यांची भाषणे झाली. सदस्या स्नेहल होडगे, शामला सनवक्के, ईश्वर शिंत्रे, मारुती केसरकर, आण्णासाहेब कानडे, अरविंद कानडे आदी उपस्थित होते. ग्रामसेवक बाबासाहेब पाटील यांनी आभार मानले.
