चंदगड : चंदगड विधानसभा मतदारसंघातील जनता माझ्या पाठीशी ठामपणे उभे राहिल्यामुळे जिल्हा बँकेवर, दूध संघावर आणि विधानसभेत जाण्याचा बहुमान मिळाला. गेले तीन वर्षत महाविकास आघाडी सरकारच्या माध्यमातून 450 कोटीचे विकास कामे मतदारसंघात आणली, असे प्रतिपादन आमदार राजेश पाटील यांनी केले.
म्हाळेवाडी येथे आमदार राजेश पाटील यांचा नागरी सत्कार केला. त्यावेळी ते बोलत होते .आमदार पाटील म्हणाले,खोटे आश्वासने देणे जनतेची दिशाभूल करणे हा माझा पिंड नाही. स्व. नरसिंगराव पाटील, स्व. सदाशिव मंडलिक,
स्व. बाबासाहेब कुपेकरांच्या विचारांचा पगडा माझ्यावर आहे. जे आज बिनबुडाचे आरोप करताहेत त्यांना २०२४ ला त्यांची जागा मतदार दाखवतील. म्हाळेवाडी गावाने पुरोगामी विचारांबरोबर राजकीय वारसा जपला आहे.
चंदगड मतदारसंघाच्या विकासामध्ये ते कायमपणे तेवत ठेवण्याचे कार्य तरुण मित्रांनी व वडीलधारी मंडळींनी ठेवला आहे. तोच मी जोपासत आहे. सूत्रसंचालन एस. एन. पाटील यांनी केले. यावेळी युवामंचच्यावतीने आमदार पाटील यांच्या विकासकामांची चित्रफीत दाखवली. यावेळी सरपंच सी. ए. पाटील, उपसरपंच विजय मरणहोलकर, आमदार युवा मंच अध्यक्ष सूरज पाटील, प्रमोद पाटील, विनायक पाटील, महेश पाटील, रविंद पाटील, सर्व ग्रामपंचायत सदस्या, पोलीसपाटील जगदीश पाटील, तंटामुक्त अध्यक्ष वसंत पाटील, भरमू पाटील, शिक्षक शिवाजी पाटील, उद्योजक भ्रमानंद पाटील, पी. वाय. पाटील, डी. के. पाटील, उद्योजक उत्तम पाटील, निंगाप्पा दळवी, एस. डी. पाटील तसेच युवा मंचचे कार्यकर्ते, तरुण मंडळे व ग्रामस्थ उपस्थित होते.
