चंदगड, ता. २ : हलकर्णी (ता. चंदगड) येथील अथर्व- दौलत कारखान्याची १ ते १५ डिसेंबर अखेरची बिले ऊस उत्पादकांच्या खात्यावर जमा केली आहेत, अशी माहिती कंपनीचे अध्यक्ष मानसिंग खोराटे यांनी दिली. ऊस उत्पादक शेतकरी, तोडणी- ओढणी यंत्रणा, अधिकारी व कामगार यांच्या सहकार्यामुळे यावर्षीही ठरवलेले उद्दिष्ट पार पाडण्यासाठी कष्ट घेतले जात आहेत. कारखान्याकडे गाळपाला आलेल्या ऊसाची वेळेत बिले आदा केली आहेत. प्रतिटन ३००१ रुपयांप्रमाणे दर दिला आहे. त्यामुळे शेतकऱ्यांचा विश्वास दुणावला आहे. गाळपाचे उद्दिष्ट पूर्ण करण्यासाठी शेतकऱ्यांनी संपूर्ण ऊस कारखान्याला देऊन सहकार्य करावे, असे आवाहन खोराटे यांनी केले. दरम्यान यावर्षीही उत्कृष्ट दर्जाचे कंपोस्ट खत तयार केले असून प्रतिटन ६३० रुपयांप्रमाणे विक्री सुरू आहे. शेतकऱ्यांनी लाभ घ्यावा, असे आवाहन संचालक पृथ्वीराज खोराटे , विजय पाटील, युनिटी हेड ए. आर. पाटील, सचिव विजय मराठे यांनी केले आहे.
✳️ *कोल्हापूर LIVE* ✳️
*गडहिंग्लज-चंदगड-आजरा-राधानगरी-कागल तालुक्यातील बातम्यांसाठी आजच आमचा 9766784500 मोबाईल क्रमांक आपल्या whasapp ग्रुपवर ऍड करा*
*जाहिरात-सुर्या सांस्कृतिक भवन-शुभकार्य तुमचे,कार्यपूर्ती आमची !*
✳️ *सत्याचे प्रतिबिंब* ✳️
