गडहिंग्लज : कर्मवीर विठ्ठल रामजी शिंदे शिक्षण संस्था संचालीक शिवराज इंग्लिश स्कूलमध्ये मकरसंक्रांतीचे औचित्य साधून पतंग महोत्सवाचे आयोजन करण्यात आले होते. या पतंग महोत्सवाचा सर्व विद्यार्थी आणि शिक्षकांनी आनंद लुटला.नर्सरी ते दहावीपर्यंतच्या विद्यार्थ्यांनी रंगीबेरंगी पतंग आकाशात उडवीण्याचा मनमुराद आनंद घेतला. शिक्षक शरद कांबळे यांनी मकरसंक्रांति विषयी विद्यार्थ्यांना माहिती दिली. या उपक्रमाला मुख्याध्यापिका गौरी शिंदे यांचे मार्गदर्शन लाभले.
