हायलाइट्स:
- संजय राऊत यांच्या पत्नीची चौकशी
- वर्षा राऊत ईडी कार्यालयात दाखल
- सकाळी साडेदहा वाजल्यापासून चौकशी
काय आहे ईडीचा दावा?
'पत्राचाळ पुनर्विकास व एफएसआय घोटाळा प्रकरणात प्रवीण राऊत हे संजय राऊत यांचे फ्रंट मॅन म्हणून कार्यरत होते. संजय राऊत यांचे निकटवर्तीय असल्यानेच प्रवीण यांनी म्हाडाकडून आवश्यक त्या मंजुरी मिळवल्या. मनी लाँड्रिंगच्या गुन्ह्यात प्रवीण यांनी अवैधरीत्या मिळवलेल्या ११२ कोटी रुपयांपैकी १ कोटी ६ लाख रुपये हे संजय राऊत व त्यांच्या कुटुंबीयांकडे थेट गेले असल्याचे आत्तापर्यंतच्या तपासात निष्पन्न झाले असून ही रक्कम आणखीही असू शकते', असा दावा सक्तवसुली संचालनालयाने (ईडी) याआधी कोर्टात केला होता.
