राज्यात पुन्हा ५ दिवस मुसळधार पाऊस होणार; पाहा, कधी, कुठे कोसळणार अतिमुळधार पाऊस!

 

heavy rain again within next 5 days : कोकणात रत्नागिरी जिल्ह्याला ४ ऑगस्टसाठी यलो अलर्ट देण्यात आला आहे. तर पुढील

 ४ दिवसांसाठी ९ ऑगस्टपर्यंत मुसळधार ते अतिमुसळधार पावसाचा इशारा देण्यात आल्याने ऑरेंज अलर्ट जारी करण्यात आला आहे. गे

ले काही दिवस दडी मारलेल्या पावसाने शेतकऱ्यांमध्ये चिंतेचे वातावरण होते. डोंगरउतारावरील शेती पावसाअभावी अडचणीत सापडली हो

ती. आता सक्रिय झालेल्या पावसाने पुन्हा शेतकऱ्यांच्या आशा पल्लवित केल्या आहेत.

रत्नागिरी : गेले काही दिवस कोकणात दडी मारलेल्या पावसाने पुन्हा एकदा हजेरी लावली आहे. राज्यात ५ दिवस मान्सून सक्रिय होण्याची शक्यता असून मुसळधार ते अतिमुसळधारची शक्यता वर्तनविण्यात आली आहे. काही जिल्ह्यांमध्ये अतिवृष्टीची शक्यता वर्तवण्यात आली आहे. येत्या २४ तासांत दक्षिण कोकण, दक्षिण मध्य महाराष्ट्र आणि विदर्भाच्या काही भागांत मुसळधार ते अतिमुसळधार पाऊस पडण्याची शक्यता असून मेघगर्जनेचीही शक्यता आहे. (the state will receive heavy rain again for the next 5 days)

कोकणात रत्नागिरी जिल्ह्याला ४ ऑगस्टसाठी यलो अलर्ट देण्यात आला आहे. तर पुढील ४ दिवसांसाठी ९ ऑगस्टपर्यंत मुसळधार ते अतिमुसळधार पावसाचा इशारा देण्यात आल्याने ऑरेंज अलर्ट जारी करण्यात आला आहे. गेले काही दिवस दडी मारलेल्या पावसाने शेतकऱ्यांमध्ये चिंतेचे वातावरण होते. डोंगरउतारावरील शेती पावसाअभावी अडचणीत सापडली होती. आता सक्रिय झालेल्या पावसाने पुन्हा शेतकऱ्यांच्या आशा पल्लवित केल्या आहेत.

सध्या जिल्हयात पाऊस सुरू झाला असला तरी पावसाला म्हणावा तसा फारसा जोर दिसत नाही. परंतु, शुक्रवारी संध्याकाळी उशिरा पावसाने जोर धरला आहे. गतवर्षीच्या तुलनेत यंदा मात्र पाऊस कमी झाला आहे. तसेच गेले दहा पंधरा दिवस पाऊस न झाल्याने बळीराजा देखील चिंतेत पडला होता. मात्र, आता हवामान विभागाने पावसाचा अंदाज व्यक्त केल्याने शेतकरी वर्गात आनंदाचे वातावरण पसरल्याचे पाहायला मिळत आहे.
निर्दयीपणाचा कळस! गर्भवती महिलेला लाथा-बुक्क्यांनी मारहाण; ६ महिन्याचं अर्भक दगावलं

कोकणात, प्रामुख्याने भात, नाचणी ही शेती पावसाळ्यात केली जाते. लावणीनंतर भातशेतीला भरपूर पाऊस हवा असतो. हळवी व महान आशा दोन स्वरूपात ही भातशेती केली जाते. पण पावसाने ओढ दिल्याने पाण्याचा पंप लावून शेतीला पाणी लावण्याची वेळ शेतकऱ्यांवर आली होती. याचीच चिंता शेतकरीवर्गाला होती. आता हवामान विभागाने व्यक्त केलेल्या अंदाजानुसार पाऊस झाल्यास शेतकऱ्यांची चिंता मिटणार आहे.