गडहिंग्लज :बदलत्या शैक्षणिक धोरणाचा विद्यार्थ्यांना फायदा व्हावा यासाठी शिक्षक अपडेट व्हावेत यासाठी येथील संभाजीराव माने ज्युनिअर कॉलेज व कर्मवीर अध्यापक विद्यालय यांच्या संयुक्त विद्यमाने दि. २२ एप्रिल रोजी सकाळी नऊ ते दुपारी तीन या वेळेत शिक्षक क्षमता अंतर्गत उदबोधन कार्यशाळेचे आयोजन करण्यात आले आहे. या उदबोधन कार्यशाळेत उदघाटन सत्रामध्ये अध्यक्षस्थानी शिवराज विद्या संकुलाचे सचिव डॉ.अनिलराव कुराडे अध्यक्षस्थान भूषविणार असून बीजभाषक उदाजीराव जुनिअर कॉलेज ऑफ एज्युकेशन गारगोटीच्या प्राचार्या डॉ. मंजुषा विजयराव माळी तर प्रमुख पाहुणे म्हणून शिवराज इंग्लिश मेडियम स्कुल व ज्युनिअरचे प्राचार्य प्रा.ए.बी.पाटील हे प्रमुख पाहुणे तर प्राचार्य डॉ.एस.एम.कदम यांची प्रमुख उपस्थिती लाभणार आहे.
प्रथम सत्रात महावीर कॉलेजचे प्रा.डॉ.बाळगोंडा पाटील-‘शिक्षकांसाठी राष्ट्रीय व्यावसायिक मानके’ व शिवाजीराव देशमुख शिक्षणशास्त्र कॉलेज, रेड ता.शिरोळ येथील डॉ.विद्या सावंत – ‘शिक्षकांचे आचार, विचार आणि मुल्ये’ या विषयावर मार्गदर्शन लाभणार आहे. या दोन्ही मार्गदर्शन कार्यक्रमास अनुक्रमे डॉ.एस.एम.कदम व संचालिका प्रा.सौ.बिनादेवी कुराडे हे अध्यक्षतेस्थानी उपस्थित राहणार आहेत तसेच शिवराज विद्या संकुलाचे अध्यक्ष प्रा किसनराव कुराडे यांच्या अध्यक्षतेखाली आयोजित समारोप सत्रात डॉ.बाळगोंडा पाटील यांचे ‘दैनंदिन अध्यापन आणि ज्ञानरचनावाद’ या विषयवार मार्गदर्शन होणार आहे. या कार्यशाळेचे नियोजन पर्यवेक्षक प्रा.तानाजी चौगुले, कर्मवीर अध्यापाल विद्यालयाच्या समन्वयक प्रा.सौ.बिनादेवी कुराडे, विना-अनुदानित विभागाचे प्रमुख प्रा.संदीप कुराडे, प्रा.सौ.गीतादेवी कुराडे आदी करणार आहेत. या कार्यशाळेचा लाभ माध्यमिक व ज्युनिअर विभागाच्या सर्व शिक्षकांनी घ्यावा असे आवाहन प्राचार्य डॉ.एस.एम.कदम यांनी केले आहे.
