दोन आठवडेभर संपूर्ण आशिया खंडामधे एफसी वुमेन्स डे साजरा केला गेला त्यामधे संपूर्ण भारतामध्ये एटी फाउंडेशन ने सर्वात जास्त मुलींनसाठी फुटबॉल खेळ खेळवला आहे. मोठ्या प्रमाणावर मुलींनी पहिल्यांदाच फुटबॉल हा खेळ खेळून मनमुराद आनंद लुटला.
२२ व्हिलेज फेस्टिवल ची नावे: आरदाळ, कडाल, हिड्दुगी, धामणे, गडहिंग्लज हायस्कूल, महागाव, कन्या शाळा, झुलपेवाडी, गिजवणे, बेकनाळ, वडरगे, शिवाजी विद्यालय, महागोंड, हालेवाडी, मासेवाडी, उत्तूर विद्यालय, लिंगनूर, नुल, नव कृष्ण व्हॅली, मुत्नाळ, मुगळी, जगतापवाडी, या गावांचा समावेश आहे.
एटी फाउंडेशन च्या लीडर्सनी गावोगावी फुटबॉल चे साहित्य घेवून जावून सदर फेस्टिवल आयोजित केले आहेत. प्रत्येक गावातील शाळांनी व शिक्षकांनी खूप चांगले सहकार्य केले.
आज गर्ल्स व्हिलेज फुटबॉल फेस्टिवलचा लिखित अहवाल अखिल भारतीय फुटबॉल संघटनेला पाठवण्यात आला आहे व दिल्ली मुख्यालय मधे अहवालाची नोंद झाली आहे.
अंजू तुरंबेकर, माजी राष्ट्रीय खेळाडू, आंतरराष्ट्रीय कोच व एटी फाउंडेशन व ॲडॅप्ट फुटबॉल ॲकॅडमी च्या संस्थापिका यांच्या कल्पनेतून व मार्गदर्शनाखाली हा उपक्रम राबिवला आहे. त्या सध्या सिंगापूर देशामधे प्रशिक्षक म्हणून काम करत आहेत व एएफसी प्रो लाइसेंस जपान मधून करत आहेत.
अंजू तुरंबेकर म्हणाल्या-
आशिया खंडामध्ये वुमेन्स फुटबॉलची प्रगती अतिशय वेगाने होत असून वुमेन्स फुटबॉलचे प्राधान्य वाढले आहे. मुलींचा फुटबॉल ही एक चळवळ आहे आणि ह्या मधे आम्ही ज्या खेडोपाड्यातल्या मुलींनी फुटबॉल खेळ कधी खेळला नाही अश्या मुलींसाठी प्लॅटफॉर्म निर्माण करून दिशा दाखवण्याचा प्रयत्न करत आहोत.
एटी फाउंडेशन चे लीडर्स, अक्षय पावले (आर्दाळ)यांनी संपूर्ण आयोजनाचा कार्यभाग सांभाळला व शैलेश दळवी (बेकनाळ), कस्तुरी कदम (कर्पेवाडी), वैभवी पाटील (कडाल), आकाश पाटील (बेकनाळ), ज्ञानेश्वरी कगदुम ( धामणे), सिद्धी भोसले( धामणे), श्रुती दिवंटेकर (धामणे), सानिका रेडेकर (हिडदुगी), नंदिनी मांडेकर (कडगाव), श्रावणी सावंत (कडगाव), सानिका जोशीलकर (लिंगनूर), संकिता चिटणीस (माळभाग) व हर्षिता चव्हाण (आर्दाळ) या सर्व लीडर्सनी अफाट कष्ट घेतले तसेच भागामध्ये त्यांच्या कामाची गावोगावी प्रशंसा होत आहे. सर्वांना क्रीडाशिक्षक व एटीएफ चे बोर्ड मेंबर अनिल पाटील यांचे मार्गदर्शन लाभले.
अखिल भारतीय फुटबॉल संघटनेतर्फे नेहा सिंह यांचे मोलाचे सहकार्य लाभले.