गडहिंग्लज : विद्यार्थ्यांनी ज्युनिअर महाविद्यालय शिकून विश्वविद्यालयात जात असताना आपल्या करिअरच्या वाटा समजून घेणे गरजेचे आहे. या वाटा वेळीच समजून घेणे गरजेचे आहे तरच तुम्ही आपले करिअर सक्षम करण्याच्या दिशेने जाऊन यशस्वी व्हाल. शिवराज महाविद्यालय हे विद्यार्थ्यांना परिपूर्ण घडवणारे महाविद्यालय आहे. या महाविद्यालयात पारंपारिक तेथून प्रोफेशनलकडे जाण्यासाठी नवनवीन कोर्स उपलब्ध करून देण्यात आले आहेत. या भागातील विद्यार्थ्यांची गरज पूर्ण करण्यासाठी बीएससी मेडीसीन केमिस्ट्री, डाटा सायन्स, बीएससी ए.आय., फार्माकोलोजी यासारखे नवीन कोर्सेस सुरू करण्यात येत आहेत. याचा लाभ विद्यार्थ्यांनी घ्यावा. शिवराज मध्ये विद्यार्थी हित जोपासून शिवराज चा विद्यार्थी आत्मविश्वासाने दिशा घेऊन सक्षम व्हावा यासाठी त्यांना घडविण्याचे कार्य आम्ही करत आहोत. बहुजन समाजातील मुले शिकावीत आणि घडावीत म्हणून शिवराजने ज्ञानदानाचे अविरत कार्य सुरू ठेवले आहे. बीबीए, बी.सी.ए. ला प्रवेश घेणाऱ्या विद्यार्थ्यांना विशेष सवलत देण्याचाही प्रयत्न शिवराज च्या माध्यमातून केला जाणार आहे. याचा लाभ विद्यार्थ्यांनी घ्यावा आणि आपले करिअर यशस्वी करावे असे आवाहन शिवराज विद्या संकुलाचे सचिव डॉ.अनिलराव कुराडे यांनी केले. येथील संभाजीराव माने ज्युनिअर कॉलेजच्यावतीने आयोजित बारावी आर्ट्स, कॉमर्स व सायन्सच्या विद्यार्थ्यांचा शुभेच्छा समारंभात केले. प्रारंभी संस्थेच्या संचालिका प्रा.सौ.बिनादेवी कुराडे यांनी स्वागत करून प्रास्ताविकात शुभेच्छा समारंभाचा हेतू स्पष्ट केला.
प्राचार्य डॉ. एस. एम. कदम यांनी अध्यक्षीय मार्गदर्शनामध्ये शिवराज महाविद्यालयाच्या माध्यमातून विद्यार्थ्यांना करिअर घडवण्याची मोठी संधी आहे. या महाविद्यालयातील विद्यार्थ्यांना ज्युनियर मधून सीनियर मध्ये प्रवेश देत असताना महाविद्यालयातील होम कोट्यातून 80 टक्के विद्यार्थ्यांना प्रवेश देण्यात येतो. याचा लाभ विद्यार्थ्यांनी घ्यावा त्यासाठी शिवराज महाविद्यालय नव्या राष्ट्रीय शैक्षणिक धोरणानुसार कौशल्य पूर्ण ज्ञान देण्यासाठी प्रयत्नशील आहे याचा विद्यार्थ्यांनी लाभ घेण्यासाठी सज्ज राहावे असे आवाहन केले. यावेळी पर्यवेक्षक प्रा तानाजी चौगुले, बी.बी.ए. विभाग प्रमुख आर डी कमते-बी.बी.ए.मधील करिअर, प्रा अमर पाटील यांनी बी.एस्सी.फार्मोकॉलॉजी, पद्व्युत्तर विभाग प्रमुख डॉ.महेश चौगुले- कॉमर्स, डॉ.प्रवीण डोंगरे-बी.एस्सी. मेडिसीन केमिस्ट्री, डॉ.अशोक मोरमारे- मराठी भाषा विषयातील करिअर, प्रा.रमेश पाटील-कॉम्प्यूटर सायन्स, प्रा.तंझीला काझी- फूड सायन्स, नॅक समन्वयक प्रा.किशोर अदाटे- मायक्रोबायोलॉजी, प्रा.बी.एस.पठाण– अॅनिमेशन, श्री सचिन काटे- बी.कॉम.आय.टी., बी.सी.एस. विभाग प्रमुख प्रा.रवी खोत-बी.सी.एस., प्रा.एस.एस.पांगम आदींनी विद्यार्थ्यांच्या करिअर बाबत सविस्तर असे मार्गदर्शन केले. यावेळी विद्यार्थी-विद्यार्थिनींचा घेण्यात आलेल्या पारंपारिक वेशभूषा स्पर्धेतील प्रथम- समीक्षा सुतार, व्दितीय-गौसबी पानारी, तृतीय- हर्षवर्धन पाटील यांचा संस्थेचे उपाध्यक्ष अॅड.दिग्विजय कुराडे, संचालिका प्रा.सौ.बिनादेवी कुराडे यांच्या हस्ते बक्षिसे देऊन गौरविण्यात आले.
या कार्यक्रमास संचालक प्रा.विश्वजित कुराडे, डॉ.राहुल मगदूम, ग्रंथपाल श्री संदीप कुराडे, रजिष्ट्रार डॉ.संतोष शहापूरकर, प्रा.विक्रम शिंदे, यांच्यासह विविध विभागाचे प्रमुख, ज्युनिअर विभागाचे सर्व प्राध्यापक, प्रशासकीय कर्मचारी, विद्यार्थी-विद्यार्थिनी उपस्थित होते. यावेळी विद्यार्थी-विद्यार्थिनींचा पारंपारिक वेशभूषेचा कार्यक्रम संपन्न झाला. या कार्यक्रमाचे सूत्रसंचालन प्रा.सीमा कांबळे, प्रा. अमिता गोणी, प्रा.सिंधू पाटील यांनी केले तर आभार प्रा. ज्युनिअर विना-अनुदानित विंगचे प्रमुख प्रा.संदीप कुराडे यांनी मानले.