गडहिंग्लज : शिवराज महाविद्यालय व इतर मागास बहुजन कल्याण विभाग, महाराष्ट्र राज्य यांच्या संयुक्त विद्यमाने राज्य शासनाच्या वतीने राबवण्यात येणाऱ्या विविध शिष्यवृत्ती योजना संदर्भात माहिती देण्यासाठी कार्यशाळा संपन्न झाली. कार्यशाळेच्या अध्यक्षस्थानी महाविद्यालयाचे प्राचार्य डॉ.एस एम कदम होते. शिवराज विद्या संकुलाच्या संचालिका प्रा. सौ बिनादेवी कुराडे यांच्या हस्ते कार्यशाळेचे उदघाटन करण्यात आले. या कार्यशाळेमध्ये श्री प्रकाश कांबळे यांनी आपल्या मार्गदर्शनामध्ये विविध शिष्यवृत्तीसाठी लागणारी कागदपत्रे, तसेच उत्पन्नाचे दाखले, रहिवासी दाखला, अधिवासाचा दाखला यासाठी कोण-कोणती कागदपत्रे लागतात यासंदर्भात माहिती दिली. सौ. गीता साठे यांनी विमुक्त जाती व भटक्या जमातीसाठी महाराष्ट्र शासनाच्या व्यवसायाभिन्मुख असणाऱ्या विविध योजना व त्यासाठी महाराष्ट्र शासनाकडून दिले जाणारे एक ते दहा लाख रुपयापर्यंतचे आर्थिक सहाय्य कसे मिळवावे याबाबत सविस्तर माहिती दिली. श्री कुंडलिक लोकरे यांनी महाराष्ट्र शासनाच्या वतीने देण्यात येणाऱ्या विविध शिष्यवृत्ती संदर्भात माहिती दिली. या कार्यक्रमास श्रीकृष्णा दाभोळे, श्री नेताजी अंगज, श्री हिरामणी कांबळे, नोडल ऑफिसर डॉ.अशोक मोरमारे, रजिस्ट्रार डॉ. संतोष शहापूरकर, श्री नेताजी कांबळे यांच्यासह बहुसंख्य विद्यार्थी विद्यार्थिनी उपस्थित होते. डॉ. डी.पी. खेडकर यांनी मानले.