गजरगाव : गुरु शिष्यांची भेट हे आजच्या नव्या पिढीला प्रेरणादायी ठरावी त्यातून आपले आणि गुरूंची भेट घडावी. चाळीशी नंतरच्या पर्वात असलेले विद्यार्थी व सध्या सेवानिवृत्त झालेले आमचे गुरुवर्य यांना भेटून नतमस्तक व्हावे. त्यांनी आम्हा विद्यार्थीप्रती आपल्या दिलेल्या संस्काराची शिदोरी आज आम्ही चांगल्या कार्यातून घडलो याची प्रचिती आपल्या गुरुवर्यांना देण्यासाठी, आणि शिक्षकांविषयी आदरभाव व्यक्त करण्यासाठी स्नेह मेळाव्याच्या माध्यमातून जपलेला ऋणानुबंध हा वर्गमित्र मैत्रिणींच्या आठवणींना उजाळा देणारा ठरला. या स्नेही भेटीतून गुरुजी आणि विद्यार्थी यांनी संवाद साधून गुरुने दिला आम्हा ज्ञानरुपी वसा.....आम्ही चालवू हा पुढे वारसा.....
याची प्रचिती 'याची डोळा याची देही' पाहण्यासाठी या स्नेह मेळाव्याच्या माध्यमातून सारेच गहिवरून आले. हा गहिवर आठवणींच्या हिंदोळ्यावर व्यक्त करणारा होता. आज धक्काधक्कीच्या जीवनात हरवत चाललेला संवाद आणि व्यापातून दुरापास्त होत असलेले स्नेह हरवत चाललेले आहे. मैत्रीचे धागे किती घट्ट असतात आणि गुरूंचा सहवास किती प्रेरणादायी असतो. या मेळाव्याच्या निमित्ताने याची साक्ष देणारी ठरली. माणुसकी आपल्या जगण्याला ऊर्जा देतो हे या निमित्ताने स्पष्ट झाले. निमित्त होते गजरगाव येथील श्री सरस्वती विद्या मंदिर शाळेतील 1989 -90 च्या सातवी च्या वर्ग मित्र - मैत्रिणींचा स्नेह मेळाव्याचे......
धन्यता व्यक्त करण्यासाठी या कार्यक्रमाचे विद्यार्थ्यांना घेतली आपल्या गुरु - शिष्य स्नेह भेट ही खरोखरच आपल्या सर्वाना एकत्र करून संवाद साधून आपलेपणा वृद्धिंगत करणारा ठरावा यासाठी वर्गमित्रांनी अथक परिश्रम घेतले. प्रत्येक वर्ग मित्रांच्या आणि मैत्रिणींना संपर्क साधून आपण सर्वांनी स्नेह मेळावा घेऊन यासाठी सर्वच एकत्रित आले. व्हाट्सअप वर ग्रुप करण्यात आला. प्रत्येकांना आपल्या नेहमीच्या संदर्भात वेळोवेळी माहिती देण्यात आली. सर्वच विद्यार्थ्यांनी उत्स्फूर्तपणे या कार्यक्रमाला हजर होण्याचे आणि कार्यक्रम यशस्वीपणे संपन्न करण्याचे ठरविले. आजच्या धक्काधक्कीच्या जीवनात सर्वांनी एकमेकांना भेटणे आणि स्नेहसंवाद साधणे हे आता दुर्मिळ झाले आहे. एक वर्षाच्या अथक प्रयत्नाने स्नेह मेळावा यशस्वी करण्याची सर्व मित्रांची धडपड अखेर फळाला आली. आपल्या गुरूंशी प्रत्यक्ष व दूरध्वनी संपर्क साधून नेहमी मेळाव्याची माहिती देण्यात आली गुरूंनी देखील या कार्यक्रमाला आवर्जून उपस्थित राहण्याचे ग्वाही दिली. या सर्व प्रयत्नाला सर्वांनी आपापल्या परीने दिलेली मोलाचे सहकार्य कार्यक्रम यशस्वीपणे या स्नेह मेळावा 2024 च्या रूपाने प्राप्त झाली. गुरुवर्य आदरणीय मधुकर मिसाळ , बसवंत शिंदे, संभाजी पाटील या गुरुजींचा विशेष सत्कार शाल,पुष्पगुच्छ, स्मृतीचिन्ह करण्यात आला. प्रारंभी दिवंगत गुरुजी, क्लासमेट, क्लासमेट परिवारातील दुःखद निधन झालेल्यांना उत्तम केसरकर यांनी श्रद्धांजली प्रस्तावाद्वारे दिवंगताना भावपूर्ण श्रद्धांजली वाहिली. या स्नेह मिळावे चे स्वागत श्री विठ्ठल पाटील यांनी केले.
आपल्या व्यापातून आलेल्या वर्ग मैत्रिणींचा शिक्षकांच्या हस्ते साडी स्मृतीचिन्ह व पुष्पगुच्छ देऊन सत्कार करण्यात आला. वर्ग परिवारातील स्मृतिचिन्ह स्नेह जपण्यात आला. यावेळी सर्व गुरुवर्यांनी आपल्या मार्गदर्शनामध्ये 1989 - 90 चे सातवीचे शिक्षण पूर्ण केलेल्या आमच्या या विद्यार्थ्यांनी जाणीवेने शिक्षण घेऊन त्यावेळच्या प्रतिकूल परिस्थितीवर मात करून शिकण्यासाठी सतत प्रयत्नशील राहिले म्हणूनच ते खऱ्याअर्थी घडले. जे विद्यार्थी विद्यार्थिनी त्यांनी आपापल्या शेतात केलेली प्रगती खरोखरच मोलाची आहे. 34 वर्षापूर्वीचे विद्यार्थी आम्ही यांना शिक्षक म्हणून लाभलो, आणि त्यांनी आमच्या ज्ञानार्जनातून विविध क्षेत्रात प्रगतीपथावर कार्यरत आहेत हे ऐकून खरोखर धन्य वाटल्याचे व्यक्त केले. एकेकाचे हे आमचे रांगडे विद्यार्थी आज जगण्याच्या प्रवाहात यशाचा क्षितिज गाठण्यासाठी त्यांनी केलेले कष्ट आणि त्यातून स्वतःला सिद्ध करण्याचे घेतलेले परिश्रम खरोखरच हे नव्या पिढीला खरोखरच प्रेरणादायी असल्याचे त्यांनी सांगितले. आम्हाला आमच्या विद्यार्थ्यांनी 34 वर्षानंतर आपण जिथे नोकरीची सुरुवात केली या सरस्वतीच्या ज्ञान मंदिरात पुन्हा बोलावून सेवानिवृत्तीनंतर आमचा विशेष सत्कार करून आमच्याशी जपलेला ऋणानुबंध हा आम्हाला ऊर्जा देणारा ठरला असल्याचे त्यांनी स्पष्ट केले. आम्हाला आम्हाला आमच्या विद्यार्थ्यांनी 34 वर्षानंतर आमच्याशी संवाद साधला हे कायमचे आठवणीत राहणारे आहे. ही वेगळी स्नेह मेळाव्याची आठवण आम्ही विद्यार्थ्यांच्यामुळे अनुभवलो असे स्पष्ट करून त्यावेळच्या आठवणी त्यांनी ताज्या केल्या आणि विद्यार्थ्यांना भरभरून मार्गदर्शन केले.
सर्व वर्गमित्र-मैत्रिणींनी या स्नेह मेळाव्यामध्ये आपली त्यावेळची ओळख सांगून सध्या काय करीत आहोत तसेच आपली आजची नवी ओळख त्यावेळच्या आठवणी सांगितल्या. त्या मेळाव्याचे सारथ्य किशोर पाथरवट यांनी केले. विठ्ठल पाटील, रावसाहेब पालकर, अरुण चोथे, मोहन कांबळे, अर्जुन पाटील, संजय कांबळे, श्रावण देसाई, कृष्णा मोहिते, रामदास खुळे, शामराव लांडे, मारुती पाटील, गणपती संकपाळ, उत्तम केसरकर, नामदेव पाथरवट, शांताराम आसबे, मनोहर पालकर, मंगल पाटील, संपूर्णा लांडे, सुरेखा पाटील, अरुणा शिंत्रे, आशा चव्हाण जयश्री भाटले, सुधा शिंत्रे, रेखाताई पाटील, बेबीताई पाटील, माया रेडेकर, अंजना लांडे यांच्यासह वर्ग मित्र- मैत्रिणीनी दिलेले सहकार्य मोलाचे ठरले. या संवाद मेळाव्यास क्लासमेंट परिवारातील वर्गमित्र -मैत्रिणी उपस्थित होते. कार्यक्रमाचे सूत्रसंचालन अनिल कलकुटकी यांनी केले. शेवटी अरुण चोथे यांनी आभार मानले.