महागांव : दि. ७ महागांव येथील वृत्तपत्र विक्रेते श्री . दत्ता लाड यांचा मुलगा शुभम याने लोकसेवा आयोगामार्फत घेण्यात आलेल्या मंडल कृषी अधिकारी पदाच्या परीक्षेत घवघवीत यश संपादन केले.
या निमित्ताने महागांव येथील शिव सेना उद्धव बाळासाहेब ठाकरे गटाचे श्री. अखलाकभाई मुजावर यांच्या निवासस्थानी एका कौटुंबिक कार्यक्रमात कु. शुभम याचा हृद्य सत्कार सोहळा पार पडला.
या कार्यक्रमात श्री. किरण कांबळे यांनी प्रास्तविक केले.
यामध्ये सर्वच वक्त्यानी श्री. दत्ता लाड यांनी अत्यंत प्रतिकूल परिस्थितीत खडतर संघर्ष करून आपल्या मुलांना शिक्षणासोबत संस्कारित करून अन्य पालकांसाठी एक आदर्श घालून दिल्याच्या भावना व्यक्त केल्या.
या कार्यक्रमात कु शुभम, श्री. दत्ता लाड यांच्या सत्कारासोबत महागांव येथील प्रसिद्ध लेखक व बैलगाडा शर्यत प्रेमी प्रा. रसुलभाई सोलापूरे यांचाही सत्कार करण्यात आला.
या वेळी सर्वश्री पांडुरंग चौगले मामा , ईश्वर कांबळे, विजय पांचाळ, रविंद्र भोसले , प्रकाश भोसले सर ,विवेक शिंगटे यांच्यासह अनेक मान्यवर उपस्थित होते.
