गडहिंग्लज : संताजी घोरपडे साखर कारखान्याचे चेअरमन व गोकुळ दूध संघाचे संचालक नाविद मुश्रीफ यांच्या वाढदिवसानिमित्त गडहिंग्लज शहर राष्ट्रवादी काँग्रेस मार्फत किल्ले बनवा स्पर्धेचे आयोजन करण्यात आले आहे.
नुकताच नाविद मुश्रीफ यांच्या वाढदिवसानिमित्त गडहिंग्लज शहर राष्ट्रवादी काँग्रेस मार्फत 100 बेड व मूकबधिर निवासी शाळेत मोफत फळे वाटपाचा कार्यक्रम घेण्यात आला. स्वतः नाविद मुश्रीफ हे आपला वाढदिवस साजरा न करता येणारा खर्च हा गोरगरीब नागरिक व शेतकऱ्यांसाठी कामी आणतात. तसेच लहान मुलांना छत्रपती शिवाजी महाराज व आपल्या मावळ्यांचा इतिहास पिढ्या न पिढ्या समजावा व आपली परंपरा पुढे नेहण्यासाठी गडहिंग्लज शहर राष्ट्रवादी काँग्रेसच्या वतीने भव्य अश्या किल्ला बांधणी स्पर्धेचे आयोजन करण्यात आले आहे.
ह्या स्पर्धेच्या विजेत्यास ५०००/- रुपये तर द्वितीय क्रमांकास ३०००/- रुपये तृतीय क्रमांकास २०००/- रुपये व उत्तेजनार्थस १०००/- रुपये बक्षिस देऊन गौरविण्यात येणार आहे. तसेच प्रत्येक सहभागी स्पर्धकाला विशेष पारितोषिक देण्यात येईल. स्पर्धेसाठी नाव नोंदणीचा कार्यक्रम ८ नोव्हेंबर ते १४ नोव्हेंबर असणार आहे. नाव नोंदणी ही गडहिंग्लज शहर राष्ट्रवादी काँग्रेसच्या कार्यलयात करावी आणि येथे तुम्हाला सर्व स्पर्धेची सविस्तर माहिती देण्यात येईल तसेच ही स्पर्धा फक्त गडहिंग्लज शहर मर्यादित असणार आहे.