गडहिंग्लज : येथील शिवराज महाविद्यालयाच्या डॉ. श्रद्धा शैलेश पाटील यांच्या 'चिंध्याच्या बाहुल्या' या पुस्तकाला महाराष्ट्र शासनाच्या राज्य साहित्य आणि संस्कृती मंडळ यांच्यावतीने नवलेखक अनुदान मंजूर झाले आहे. या उपविभागात प्रथमच डॉ. श्रद्धा पाटील या नवलेखक अनुदानाच्या मानकरी ठरल्या आहेत. त्यांच्या या दैदिप्यमान यशाबद्दल डॉ. श्रद्धा पाटील यांचे महाविद्यालयाच्यावतीने अभिनंदन करण्यात आले. 'चिंध्याच्या बाहुल्या' या पुस्तकाचे प्रकाशन यशोदीप प्रकाशन पुणे यांच्यावतीने करण्यात येणार आहे. त्यांना शिवराज विद्या संकुलाचे अध्यक्ष प्रा. किसनराव कुराडे, सचिव डॉ. अनिलराव कुराडे, उपाध्यक्ष अॅड. दिग्विजय कुराडे, प्राचार्य डॉ.एस.एम. कदम यांचे प्रोत्साहन व डॉ.आप्पासाहेब बुडके यांचे मोलाचे मार्गदर्शन लाभले.