भादवन : भरड धांन्यांचे महत्व सर्व विद्यार्थी, पालकांसह समाजाला व्हावे,या उद्देशासह घरी बनविलेले पदार्थ आपल्या अरोग्यास लाभदायी असतात याबद्दलची जाणीव जागृती व्हावी याकरिता शासनाने दिलेल्या आदेशानुसार भादवण शाळेत पाककृती स्पर्धेचे आयोजन करणेत आले.सदर स्पर्धेत शाळेतील सर्व विद्यार्थ्यांच्या पालकांनी सहभाग घेतला.यामध्ये स्थानिक रानभाज्या तसेच विविध तृणधान्ये व कडधान्यांपासून बविलेले अनेक रुचकर पौष्टीक पदार्थ बनवून स्पर्धकांनी उपस्थितांची वाहवा मिळविली.यामध्ये विविध चटण्या,लोणची,पापड,जुन्या काळातील माडगे,आधुनिक विविध कटलेट्स आदींचा समावेश होता.स्पर्धकांना,स्थानिक पदार्थांचा वापर,पौष्टीकता,उपयुक्तता,त्यासाठीची किमंत याआधारे गुणांकन करुन नंबर देणेत आले.
या स्पर्धेत अनिता मुळीक( प्रथम),नीता मुळीक(द्वितीय),प्रियांका दिवेकर(तृतीय),विद्या जोशिलकर,ज्योती शिंदे,अंकीता दळवी यांना उत्तेजनार्थ बक्षिस देणेत आले.
ही स्पर्धा पार पाडण्यासाठी,शाळा व्यवस्थापन समिती अध्यक्ष सागर खुळे,उपाध्यक्षा प्रियांका दिवेकर,काशीनाथ खुले,मिनाक्षी जोशिलकर,आशा सुतार मारुती देसाई,निलम देवरकर,संगिता देसाई यांसह सर्व सदस्यांनी तसेच कल्पना वांजोळे,सुजाता पाटील मालन दोरुगडे,अशोक लोहार,जगन्नाथ सुतार, रविंद्र दोरुगडे या शिक्षकांनी प्रयत्न केले.स्पर्धेचे महत्व सुमित्रा येसणे व मुख्याध्यापक दशरथ देसाई यांनी विषद केले.परिक्षणाचे काम मनिषा सुतार मुख्या.खोराटवाडी व मनिषा भांडखोळी पर्यवेक्षिका प्राथ.आरोग्यकेंद्र भादवण यांनी केले.