गडहिंग्लज : राष्ट्रीय सेवा योजनेच्या कार्यातील भरीव योगदानाबद्दल जिल्ह्यातील उत्कृष्ट महाविद्यालय म्हणून येथील शिवराज महाविद्यालयाचा गौरव करण्यात आला. तसेच उत्कृष्ट कार्यक्रम अधिकारी म्हणून महाविद्यालयाचे एन.एस.एस. चे कार्यक्रम अधिकारी प्रा. दीपक खेडकर यांनाही गौरविण्यात आले. शिवाजी विद्यापीठा कोल्हापूर येथे आयोजित कार्यक्रमात हा सन्मान करण्यात आला. शिवाजी विद्यापीठाचे कुलगुरू डॉ. डी. टी. शिर्के यांच्या हस्ते प्राचार्य डॉ. एस. एम. कदम, एन.एस.एस. चे कार्यक्रम अधिकारी प्रा.दीपक खेडकर, डॉ. जी. जी. गायकवाड यांनी हा सन्मान स्वीकारला. महाविद्यालयाच्या एन. एस. एस. विभागाच्या वतीने राबविण्यात आलेल्या विविध उपक्रमांना संस्थेचे अध्यक्ष प्रा. किसनराव कुराडे, सचिव डॉ. अनिलराव कुराडे, उपाध्यक्ष अॅड. दिग्विजय कुराडे यांचे मोलाचे मार्गदर्शन लाभले.